Upphitun með Helenu

Helena Ólafsdóttir, þáttarstjórnandi Pepsi-marka kvenna, verður með upphitun á Stöð 2 Sport fyrir bikar­úrslitaleikinn í dag.

Útsending hefst klukkan 16.30 en henni til aðstoðar verða Vanda Sigurgeirsdóttir, fyrrverandi landsliðskona, og Halldór Jón Sigurðsson, þjálfari toppliðs Þórs/KA.

Guðmundur Benediktsson lýsir leiknum sem hefst klukkan 17.00. Að leiknum loknum mun Helena ásamt sérfræðingum fara yfir allt það helsta úr leiknum í bland við viðtöl við þjálfara og leikmenn beggja liða.

Þá verður vel fylgst með leiknum á íþróttavef Vísis og hann svo gerður upp í Sportpakkanum á Stöð 2 annað kvöld.