Jay-Z og Beyonce kaupa hús á tíu milljarða

Hjónin Jay-Z og Beyonce hafa loksins fest kaupa á húsi en þau hafa verið á leigumarkaðnum í töluverðan tíma. Þetta kemur fram á vefsíðu Los Angeles Times. Húsið er ekkert venjulegt einbýli og því kostaði það 90 milljónir dollara, eða því sem samsvarar 9,7 milljarðar íslenskra króna.

Húsið er staðsett í hinu fræga hverfi Bel-Air í Los Angeles í Bandaríkjunum. Húsið var fullklárað á þessu ári og er það tæplega þrjú þúsund fermetrar að stærð. Veröndin sjálf er um þúsund fermetrar og er vel hægt að sóla sig þar.

Í eigninni má finna spa, sérstakt afþreyingarherbergi og fjórar sundlaugar. Útsýnið er stórkostlegt uppi á þessari hæð í Bel-Air. Einnig má finna körfuboltavöll í fullri stærð og sérstaka álmu fyrir starfsfólk. Bílskúrinn sem fylgir húsinu getur tekið við fimmtán bílum.

Hjónin eiga saman þrjú börn en Blue Ivy er fimm ára og tvíburarnir Rumi and Sir fæddust á þessu ári. Saman eru hjónin metin á á 124 milljarða íslenskra króna.