Hún er heyrnarlaus, syngur eins og engill og fær alltaf standandi lófaklapp

Mandy Harvey er að slá rækilega í gegn í raunveruleikaþáttunum America´s Got Talent en hún missti heyrnina þegar hún var 18 ára. Hún hefur verið heyrnarlaus í tíu ár og mætir ávallt með túlk með sér á sviðið.

Hún hefur sungið síðan hún var fjögurra ára gömul. Eftir að hún missti heyrnina hætti hún alfarið í tónlist. Nýlega tók hún ákvörðun að snúa aftur og notar hún önnur skynfæri til að finna fyrir tónlistinni. Hún stendur til dæmis á sviðinu á sokkunum til að finna titringinn í sviðinu.

Að þessu sinni tók Harvey frumsamið lag sem ber nafnið Mara's Song en var flutningurinn algjörlega óaðfinnanlegur eins og sjá má hér að neðan.