Selfoss hefur samið við 19 ára markvörð, Anadin Suljakovic, um að leika með liðinu í Olís-deild karla í handbolta.
Suljakovic er Bosníumaður en hefur leikið með yngri landsliðum Katar frá árinu 2015.
Hann lék síðast með Al Sadd SC í Katar en þar áður var hann á mála hjá RK Maglaj í Bosníu.
Auk Suljakovic hefur Selfoss samið við markvörðinn Sölva Ólafsson.Þá er línumaðurinn Atli Ævar Ingólfsson einnig genginn í raðir liðsins.
Selfoss endaði í 5. sæti Olís-deildarinnar í fyrra og tapaði fyrir Aftureldingu í 8-liða úrslitum úrslitakeppninnar.
Selfoss fær unglingalandsliðsmann frá Katar
Tengdar fréttir
Sölvi kominn aftur á Selfoss
Handknattleiksmarkvörðurinn Sölvi Ólafsson er búinn að semja við uppeldisfélag sitt, Selfoss, á nýjan leik.
Atli Ævar til Selfoss
Samkvæmt heimildum íþróttadeildar hefur línumaðurinn Atli Ævar Ingólfsson skrifað undir tveggja ára samning við Selfoss.
