Flóðið að ná hámarki

Búist er við að flóðið í Múlakvísl nái hámarki eftir fáeinar klukkustundir. Fólk er varað við því að vera í nágrenni árinnar vegna gasmengunar og þá er áin er dökk og mikill fnykur er frá henni.

Fram kemur í tilkynningu frá Veðurstofunni að hlaupið sé svipað því sem varð árið 2011 þegar brúna tók af veginum. Rafleiðni hefur vaxið mjög hratt, en hún mældist 580 μS/cm klukkan átta í morgun.

Áfram er fylgst með þróuninni og Vegagerðin er með menn við veginn sem eru tilbúnir að loka veginum.