Daði Freyr með nýjan smell

Tónlistarmaðurinn Daði Freyr hefur gefið út nýtt myndband við lagið Næsta skref og kom það út fyrir helgi.

„Ég tók það upp í Berlín, en myndbandið er skotið af pabba mínum rétt fyrir utan húsið hjá foreldrum mínum í sveitinni í Ásahrepp,“ segir Daði en um er að ræða fyrsta lagið af plötu sem hann stefnir á að gefa út fyrir Iceland Airwaves.

Daði sló fyrst í gegn í undankeppni Eurovision fyrr í vetur og hefur verið að koma í auknu mæli fram hér á landi, hann tónlistarmaðurinn er búsettur í Berlín þar sem hann stundar nám.



Myndbandið er tekið upp úti á landi og það á miðju þjóðveginum. Hér að neðan má hlusta á nýjasta smell Daða Freys.