Svona oft áttu að skipta um rúmföt

Philip Tierno, örverufræðingur frá New York University, hefur rannsakað hversu oft fólk ætti að skipta um rúmföt.

Við eyðum líklega um þriðjungi ævi okkar upp í rúmi og því er vissara að vera með þessa hluti á hreinu.

Tierno segir að ef við erum með rúmfötin of lengi á geti sýklar og aðrar örverur smitað okkur og við endum veik, upp í rúmi. Allskonar tegundir af sveppum geta til að mynda þrifist í rúmfötum og er oft fullkomið rakastig fyrir sveppi þar.

Sem dæmi hafa rannsóknir sýnt að um 16 tegundir af sveppum geti lifað í rúmfötum fólks.

Tierno segir að það sé best að skipta um rúmföt einu sinni í viku og þá er hægt að koma í veg fyrir allskonar heilsufarsleg vandamál sem væri hægt að rekja til skítugra rúmfata.