Steindi plataði eldri konu upp úr skónum þegar hann sagðist vera fastur í skottinu

Einn vinsælasti dagskráliðurinn í útvarpsþættinum FM95BLÖ er Stigagangurinn með Steinda Jr.

Í Stigaganginum hringir Steinþór ávallt í einhvern aðila sem búsettur er í fjölbýlishúsi og biður um aðstoð. Stundum heppnast hrekkurinn mjög vel og var það tilfellið á föstudaginn síðastliðinn.

Þá hringdi Steindi í eldri konu og sagðist vera fastur inni í skotti á bifreið fyrir utan blokk í Hraunbæ í Árbænum.

Þetta endaði með því að konan gekk á milli bíla fyrir utan blokkina og bankaði í þá, í þeirri von um að finna aumingja manninn.

Algjörlega stórbrotinn hrekkur sem heyra má hér að neðan en hann hefst þegar 43:00 eru liðnar af þættinum.