Aron Rafn kominn til ÍBV

Landsliðsmarkvörðurinn Aron Rafn Eðvarðsson er á heimleið og er búinn að skrifa undir tveggja ára samning við ÍBV.

Aron Rafn er orðinn 28 ára gamall en hann er alinn upp hjá Haukum.

Þaðan fór hann fyrst í atvinnumennsku til Svíþjóðar þar sem hann spilaði með Guif. Næst lá leiðin til Álaborgar í Danmörku og loks til Bietigheim í Þýskalandi.

ÍBV verður með alvöru markvarðarpar því félagið er búið að gera nýjan eins árs samning við Stephen Nielsen sem einnig hefur verið viðloðandi landsliðið.