Svona léttist Jonah Hill

Leikarinn Jonah Hill hefur misst töluvert mörg kíló að undanförnu en Hill þyngdi sig fyrir hlutverkið í kvikmyndinni War Dogs.

Undanfarin ár hefur leikarinn verið í töluverðum vandræðum með þyngd sína og flakkað töluvert upp og niður á vigtinni.

War Dogs kom út árið 2016 og bætti leikarinn á sig tuttugu kílóum fyrir hlutverkið. Núna hefur hann skorið af sér þessi tuttugu kíló og gott betur. Hann fékk aðstoð frá vini sínum Channing Tatum, en þeir léku saman í kvikmyndinni 21 jump street.

„Ég hringdi í Channing Tatum og sagði við hann; Ef ég borða minna og fer til þjálfara, mun ég þá komast í betra form?“

Tatum Svaraði: „Já heimska fíflið þitt. Þetta er auðveldasta dæmi í heiminum.“

Hill hefur mikið verið spurður út það hvað hann gerði til að skera sig niður. Hann segir að það sé ekki til einhver ein leið, en eitt af því sem hann gerði var að hætta drekka bjór.