Lovísa Thompson skrifaði í gærkvöldi undir tveggja ára samning við handknattleiksdeild Gróttu.
Lovísa, sem er 17 ára, hefur verið í stóru hlutverki hjá Gróttu undanfarin ár.
Hún var í Gróttuliðinu sem vann þrjá stærstu titlana tímabilið 2014-15 og skoraði markið sem tryggði Gróttu fyrsta Íslandsmeistaratitilinn í sögu félagsins. Grótta varði svo titilinn tímabilið á eftir.
Lovísa skoraði 110 mörk í 20 leikjum í Olís-deild kvenna í vetur og var markahæst í liði Gróttu. Seltirningar enduðu í 4. sæti deildarinnar og féllu svo úr leik fyrir Stjörnunni í undanúrslitum.
Lovísa hefur leikið fimm A-landsleiki og skorað fjögur mörk.
Lovísa áfram á Nesinu
Tengdar fréttir
Kári færir sig yfir á karlalið Gróttu og Alfreð tekur við kvennaliðinu
Grótta er búið að ganga frá ráðningu þjálfara fyrir meistaraflokksliðin sín á næstu leiktíð en bæði liðin spila í Olís-deildinni.
