Engin þreytumerki á Ronaldo | Öll úrslitin í undankeppninni

Níu leikir fóru fram í Evrópuhluta undankeppni HM 2018 í kvöld.

Cristiano Ronaldo skoraði tvö mörk þegar Evrópumeistarar Portúgals unnu 0-3 útisigur á Lettlandi í B-riðli.

Ronaldo varð Evrópumeistari með Real Madrid um síðustu helgi en hann sýndi engin þreytumerki í Ríga í kvöld og skoraði tvívegis og lagði svo þriðja mark Portúgala upp fyrir André Silva.

Portúgal er í 2. sæti riðilsins með 15 stig, þremur stigum á eftir toppliði Sviss sem vann 0-2 sigur á Færeyjum í Þórshöfn.

Í þriðja leik B-riðils vann Andorra afar óvæntan sigur á Ungverjalandi, 1-0.

Ola Toivonen tryggði Svíum sigur á Frökkum í A-riðli með ótrúlegu marki.

Svíþjóð og Frakkland eru bæði með 13 stig í riðlinum, þremur stigum á undan Hollandi sem er í 3. sætinu.

Hollendingar rúlluðu yfir Lúxemborgara í Rotterdam, 5-0. Arjen Robben, Wesley Sneijder, Giorginio Wijnaldum, Quincy Promes og Vincent Janssen (víti) skoruðu mörk hollenska liðsins.

Í sama riðli vann Hvíta-Rússland góðan sigur á Búlgaríu, 2-1, á heimavelli. Þetta var fyrsti sigur Hvít-Rússa í undankeppninni.

Belgar eru í afar góðri stöðu í H-riðli eftir 0-2 útisigur á Eistum. Dries Mertens og Nacer Chadli skoruðu mörk belgíska liðsins sem er með fjögurra stiga forskot á toppi riðilsins.

Liðin í 2. og 3. sæti, Bosnía og Grikkland, gerðu markalaust jafntefli í Zenica.

Þá vann Kýpur 1-2 sigur á Gíbraltar.

Úrslitin í kvöld:

A-riðill:

Svíþjóð 2-1 Frakkland

0-1 Olivier Giroud (37.), 1-1 Jimmy Durmaz (43.), 2-1 Ola Toivonen (90+3.).

Holland 5-0 Lúxemborg

1-0 Arjen Robben (21.), 2-0 Wesley Sneijder (34.), 3-0 Giorginio Wijnaldum (62.), 4-0 Quincy Promens (70.), 5-0 Vincent Janssen, víti (84.).

Hvíta-Rússland 2-1 Búlgaría

1-0 Mikhail Sivakov, víti (33.), 2-0 Pavel Savitski (80.), 2-1 Georgi Kostadinov (90+1.).

B-riðill:

Lettland 0-3 Portúgal

0-1 Cristiano Ronaldo (41.), 0-2 Ronaldo (63.), 0-3 André Silva.

Færeyjar 0-2 Sviss

0-1 Granit Xhaka (36.), 0-2 Xherdan Shaqiri (59.).

Andorra 1-0 Ungverjaland

1-0 Marc Rebés

H-riðill:

Eistland 0-2 Belgía

0-1 Dries Mertens (31.), 0-2 Nacer Chadli (86.).

Bosnía 0-0 Grikkland

Gíbraltar 1-2 Kýpur

0-1 Roy Chipolina, sjálfsmark (10.), 1-1 Anthony Hernandez (30.), 1-2 Pieros Sotiriou (87.).