Tekjur Bláa lónsins jukust um 43 prósent og fóru yfir tíu milljarða Hörður Ægisson skrifar 31. maí 2017 07:30 Tekjur Bláa lónsins hafa aukist úr 25 milljónum evra í 77 milljónir evra frá 2012. Vísir/GVA Hagnaður Bláa lónsins fyrir fjármagnsliði og afskriftir (EBITDA) var 28,2 milljónir evra á árinu 2016, jafnvirði um 3.150 milljóna króna á núverandi gengi, og jókst um tæplega sjö milljónir evra frá fyrra ári. Á aðeins fimm árum hefur EBITDA Bláa lónsins næstum því þrefaldast. Vöxtur Bláa lónsins hefur verið gríðarlegur á undanförnum árum. Á því varð engin breyting í fyrra en tekjur félagsins námu þá samtals 77,2 milljónum evra, eða 10,3 milljarðar króna miðað við meðalgengi evru á árinu 2016, og jukust um meira en 43 prósent á milli ára. Á árinu 2012 námu tekjur Bláa lónsins til samanburðar aðeins 25 milljónum evra. Ársreikningur Bláa lónsins hefur enn ekki verið gerður opinber en Markaðurinn hefur fengið upplýsingar um helstu niðurstöður síðasta rekstrarárs. Fjöldi heimsókna fór í fyrsta sinn yfir milljón talsins en samtals sóttu 1.122 þúsundir gestir Bláa lónið á árinu 2016 og fjölgaði þeim um liðlega tvö hundruð þúsund. Tekjur af sölu í lónið námu um 45 milljónum evra, eða um 58 prósentum af heildartekjum Bláa lónsins, sem jafngildir um sex milljörðum íslenskra króna miðað við meðalgengi evru í fyrra. Það þýðir að gestir Bláa lónsins hafi greitt samtals rúmlega 16 milljónir króna að meðaltali á dag í aðgangseyri í fyrra. Veitingasala var næststærsti tekjupóstur Bláa lónsins og skilaði um 18 milljónum evra, en það er um 125 prósenta aukning á aðeins tveimur árum.Eigið fé Bláa lónsins var 53,6 milljónir evra í lok síðasta árs og eiginfjárhlutfall félagsins ríflega 49 prósent. Arðsemi eigin fjár nam tæplega 44 prósentum í fyrra og vaxtaberandi skuldir fyrirtækisins eru aðeins um 34 milljónir evra. Aðalfundur Bláa lónsins fer fram eftir um tvær vikur og þar verður lögð fram tillaga um greiðslu arðs til hluthafa vegna síðasta rekstrarárs. Í fyrra greiddi Bláa lónið 1,4 milljarða í arð.30 milljarða verðmiði? Hlutafélagið Hvatning er stærsti eigandi Bláa lónsins með ríflega 39 prósenta hlut. Framtakssjóðurinn Horn II, sem er í eigu lífeyrissjóða, fjármálafyrirtækja og annarra fagfjárfesta, á 49,45 prósenta hlut í félaginu en Kólfur heldur hins vegar utan um 50,55 prósenta hlut í Hvatningu. Eigendur Kólfs eru Grímur Sæmundsen, forstjóri og stofnandi Bláa lónsins, (75 prósent) og Eðvard Júlíusson (25 prósent). Þá á eignarhaldsfélagið Keila 9,2 prósenta hlut í Bláa lóninu en það er í meirihlutaeigu Hvatningar. Aðrir hluthafar í Keilu eru Úlfar Steindórsson, forstjóri Toyota á Íslandi og varaformaður stjórnar Bláa lónsins, og ýmsir stjórnendur Bláa lónsins. HS Orka er næststærsti hluthafi Bláa lónsins með um 30 prósenta hlut. Þá er einnig að finna ýmsa aðra einkafjárfesta sem eru umsvifamiklir í hluthafahópi Bláa lónsins. Þannig á Helgi Magnússon, stjórnarformaður og fyrrverandi varaformaður Lífeyrissjóðs verslunarmanna, um 6,2 prósenta hlut í gegnum félagið Hofgarða. Þá á Sigurður Arngrímsson, fjárfestir og fyrrverandi starfsmaður Morgan Stanley í London, um fimm prósenta hlut og Ágústa Johnsen, framkvæmdastjóri og einn eigenda Hreyfingar, á um þrjú prósent í gegnum einkahlutafélagið Bogmanninn.Tilkynnt var um það fyrr í þessum mánuði að HS Orka, sem er í meirihlutaeigu kanadíska orkufyrirtækisins Alterra, hefði ákveðið að kanna mögulega sölu á hlut sínum í Bláa lóninu. Ljóst er að sá hlutur er gríðarlega verðmætur. Sé litið til þess að Bláa lónið skilaði EBITDU upp á rúmlega 28 milljónir evra í fyrra – og væntingar eru um áframhaldandi vöxt samhliða auknum straumi ferðamanna til landsins – þá má gróflega áætla að heildarvirði fyrirtækisins sé um 260 milljónir evra, eða tæplega 30 milljarðar króna á núverandi gengi. Hlutur HS Orku gæti því verið metinn á um níu milljarða.Fréttin birtist fyrst í Markaðnum, fylgiriti Fréttablaðsins um viðskipti og efnahagsmál. Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Hagnaður Bláa lónsins fyrir fjármagnsliði og afskriftir (EBITDA) var 28,2 milljónir evra á árinu 2016, jafnvirði um 3.150 milljóna króna á núverandi gengi, og jókst um tæplega sjö milljónir evra frá fyrra ári. Á aðeins fimm árum hefur EBITDA Bláa lónsins næstum því þrefaldast. Vöxtur Bláa lónsins hefur verið gríðarlegur á undanförnum árum. Á því varð engin breyting í fyrra en tekjur félagsins námu þá samtals 77,2 milljónum evra, eða 10,3 milljarðar króna miðað við meðalgengi evru á árinu 2016, og jukust um meira en 43 prósent á milli ára. Á árinu 2012 námu tekjur Bláa lónsins til samanburðar aðeins 25 milljónum evra. Ársreikningur Bláa lónsins hefur enn ekki verið gerður opinber en Markaðurinn hefur fengið upplýsingar um helstu niðurstöður síðasta rekstrarárs. Fjöldi heimsókna fór í fyrsta sinn yfir milljón talsins en samtals sóttu 1.122 þúsundir gestir Bláa lónið á árinu 2016 og fjölgaði þeim um liðlega tvö hundruð þúsund. Tekjur af sölu í lónið námu um 45 milljónum evra, eða um 58 prósentum af heildartekjum Bláa lónsins, sem jafngildir um sex milljörðum íslenskra króna miðað við meðalgengi evru í fyrra. Það þýðir að gestir Bláa lónsins hafi greitt samtals rúmlega 16 milljónir króna að meðaltali á dag í aðgangseyri í fyrra. Veitingasala var næststærsti tekjupóstur Bláa lónsins og skilaði um 18 milljónum evra, en það er um 125 prósenta aukning á aðeins tveimur árum.Eigið fé Bláa lónsins var 53,6 milljónir evra í lok síðasta árs og eiginfjárhlutfall félagsins ríflega 49 prósent. Arðsemi eigin fjár nam tæplega 44 prósentum í fyrra og vaxtaberandi skuldir fyrirtækisins eru aðeins um 34 milljónir evra. Aðalfundur Bláa lónsins fer fram eftir um tvær vikur og þar verður lögð fram tillaga um greiðslu arðs til hluthafa vegna síðasta rekstrarárs. Í fyrra greiddi Bláa lónið 1,4 milljarða í arð.30 milljarða verðmiði? Hlutafélagið Hvatning er stærsti eigandi Bláa lónsins með ríflega 39 prósenta hlut. Framtakssjóðurinn Horn II, sem er í eigu lífeyrissjóða, fjármálafyrirtækja og annarra fagfjárfesta, á 49,45 prósenta hlut í félaginu en Kólfur heldur hins vegar utan um 50,55 prósenta hlut í Hvatningu. Eigendur Kólfs eru Grímur Sæmundsen, forstjóri og stofnandi Bláa lónsins, (75 prósent) og Eðvard Júlíusson (25 prósent). Þá á eignarhaldsfélagið Keila 9,2 prósenta hlut í Bláa lóninu en það er í meirihlutaeigu Hvatningar. Aðrir hluthafar í Keilu eru Úlfar Steindórsson, forstjóri Toyota á Íslandi og varaformaður stjórnar Bláa lónsins, og ýmsir stjórnendur Bláa lónsins. HS Orka er næststærsti hluthafi Bláa lónsins með um 30 prósenta hlut. Þá er einnig að finna ýmsa aðra einkafjárfesta sem eru umsvifamiklir í hluthafahópi Bláa lónsins. Þannig á Helgi Magnússon, stjórnarformaður og fyrrverandi varaformaður Lífeyrissjóðs verslunarmanna, um 6,2 prósenta hlut í gegnum félagið Hofgarða. Þá á Sigurður Arngrímsson, fjárfestir og fyrrverandi starfsmaður Morgan Stanley í London, um fimm prósenta hlut og Ágústa Johnsen, framkvæmdastjóri og einn eigenda Hreyfingar, á um þrjú prósent í gegnum einkahlutafélagið Bogmanninn.Tilkynnt var um það fyrr í þessum mánuði að HS Orka, sem er í meirihlutaeigu kanadíska orkufyrirtækisins Alterra, hefði ákveðið að kanna mögulega sölu á hlut sínum í Bláa lóninu. Ljóst er að sá hlutur er gríðarlega verðmætur. Sé litið til þess að Bláa lónið skilaði EBITDU upp á rúmlega 28 milljónir evra í fyrra – og væntingar eru um áframhaldandi vöxt samhliða auknum straumi ferðamanna til landsins – þá má gróflega áætla að heildarvirði fyrirtækisins sé um 260 milljónir evra, eða tæplega 30 milljarðar króna á núverandi gengi. Hlutur HS Orku gæti því verið metinn á um níu milljarða.Fréttin birtist fyrst í Markaðnum, fylgiriti Fréttablaðsins um viðskipti og efnahagsmál.
Mest lesið Innbú Play til sölu: Gæti aflað búinu fjórtán milljóna króna Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Eva og Guðrún nýir forstöðumenn hjá Icelandair Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Davíð Ernir til liðs við Athygli Viðskipti innlent Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent