Mikil spenna í Grafarvogi og upp á Skaga

Eftir leiki kvöldsins í 2. umferð Borgunarbikars kvenna í fótbolta er nú ljóst hvaða lið verða í pottinum þegar dregið verður í sextán liða úrslitin á morgun.

Fimm lið tryggðu sér sæti í sextán liða úrslitunum í kvöld en þau eru Sindri, Selfoss, HK/Víkingur, Þróttur R. og Fjölnir. Tindastóll hafði áður komist í sextán liða úrslitin.

Stelpurnar í Sindra og Selfoss unnu örugga heimasigra. Phoenetia Browne skoraði tvö fyrstu mörk Sindra í 4-0 sigri á Einherja og Anna María Friðgeirsdóttir var með tvö mörk í 5-0 sigri á Augnabliki. HK/Víkingur vann 2-1 sigur á ÍR í Kórnum.

Það var mikil spennan í leikjunum í Grafarvogi og upp á Akranesi en þar þurfti að framlengja. Leikurinn í Grafarvogi endaði ekki fyrr en eftir vítaspyrnukeppni.  

Sierra Marie Lelii tryggði Þrótti framlengingu á móti ÍA upp á Skaga með marki mínútu fyrir leikslok og skoraði síðan sigurmarkið þegar níu mínútur voru eftir af framlengingunni.

Ekkert mark var skorað í 120 mínútur í leik C-deildarliðs Fjölnis og B-deildarliðs Keflavíkur. Keflavík klikkað á tveimur fyrstu vítaspyrnum sínum og Fjölnisliðið var búið að tryggja sér sigur fyrir lokaspyrnu Keflavíkurkvenna. Berglind Magnúsdóttir varði tvær vítaspyrnur og var hetja Fjölnisliðsins í kvöld.



Úrslitin í 2. umferð Borgunarbikars kvenna í kvöld:

Sindri - Einherji 4-0

1-0 Phoenetia Browne, víti (5.), 2-0 Phoenetia Browne (24.), 3-0 Chestley Strother (33.), 4-0 Shameeka Fishley (57.).

 

ÍA - Þróttur R. 2-3 (Framlenging)

1-0 Ruth Þórðar Þórðardóttir  (7.), 1-1 Michaela Mansfield (59.), 2-1 Unnur Elva Traustadóttir  (69.), 2-2 Sierra Marie Lelii (89.), 2-3 Sierra Marie Lelii (111.).

HK/Víkingur - ÍR 2-1

1-0 Edda Mjöll Karlsdóttir (63.), 2-0 Laufey Elísa Hlynsdóttir, víti (77.), 2-1 Mónika Hlíf Sigurhjartardóttir (90.).

Selfoss - Augnablik 5-0

1-0 Anna María Friðgeirsdóttir (29.), 2-0 Magdalena Anna Reimus (37.), 3-0 Anna María Friðgeirsdóttir (40.), 4-0  Eva Lind Elíasdóttir (62.), 5-0 Barbára Sól Gísladóttir (90.+2)

Fjölnir - Keflavík 0-0 (4-2 í vítaspyrnukeppni)

- Vítakeppnin -

1-0 Ásta Sigrún Friðriksdóttir, Fjölni mark

- Birgitta Hallgrímsdóttir, Keflavík varið (Berglind Magnúsdóttir)

- Katrín Elfa Arnardóttir, Fjölni varið (Margrét Ingþórsdóttir)

- Arndís Snjólaug Ingvarsdóttir, Keflavík varið (Berglind Magnúsdóttir)

2-0 Harpa Lind Guðnadóttir, Fjölni mark

2-1 Una Margrét Einarsdóttir, Keflavík mark

3-1 Aníta Björk Bóasdóttir, Fjölni mark

3-2 Katla María Þórðardóttir, Keflavík mark

4-2 Vala Kristín Theódórsdóttir, Fjölni mark

Markaskorarar eru fengnir frá urslit.net og heimasíðu KSÍ.



Liðin í sextán liða úrslitum Borgunarbikars kvenna

Pepsi-deild (10 lið): Breiðablik, FH, Fylkir, Grindavík, Haukar, ÍBV, KR, Stjarnan, Valur og Þór/KA.

Lið úr 1. deild (5 lið): Tindastóll, Sindri, HK/Víkingur, Selfoss, Þróttur R.

Lið úr 2. deild (1 lið): Fjölnir