Fyrri æfingin
Kimi Raikkonen varð þriðji á Ferrari en næstum heilli sekúndu á eftir Hamilton.
Fernando Alonso á McLaren komst einungis í gegnum örfáar beygjur á æfingunni. Bíll hans bilaði og Alonso var kominn á Tennisvöll í nágrenni brautarinnar innan skamms.
Sergey Sirotkin sem tók yfir bíl Jolyon Palmer á æfingunni náði að aka 10 hringi og var hægastur af þeim sem settu brautartíma.
Raikkonen var aftur þriðji á eftir Mercedes tvíeykinu. Ferrari menn voru nær en á fyrri æfingunni. Red Bull bílarnir voru líka nær en þó virðist sem uppfærslur Red Bull hafi ekki breytt stöðunni mikið.
Alonso var hægastur á seinni æfingunni á meðan liðsfélagi hans, Stoffel Vandoorne varð 13. Alonso var ekkert hoppandi kátur með vélina sem var þó farin að hreyfa bílinn áfram.
„Vélin virkar. Hún er hægari en áður. Ótrúlegt,“ sagði Alonso í talstöðinni á æfingunni.
Renault liðið virkaði sterkt á æfingunni og Nico Hulkenberg varð sjöundi og Palmer áttundi.
Bein útsending frá tímatökunni hefst klukkan 11:50 á morgun á Stöð 2 Sport 2. Keppnin er á Stöð 2 Sport 2 klukkan 11:30 á sunnudag.
Sjá má öll helstu úrslit helgarinnar á gagnvirku brautarkorti hér að neðan.
