Toure fær líklega nýjan samning

Það hefur gengið á ýmsu hjá Yaya Toure, leikmanni Man. City, í vetur en tímabilið virðist ætla að fá farsælan endi hjá honum.

Samningur hans við félagið rennur út í sumar og lengi vel leit út fyrir að hann myndi fara fyrr á tímabilinu er hann komst ekki í Meistaradeildarhóp félagsins.

Þessi 34 ára gamli miðjumaður barðist þó fyrir sínu og náði að komast aftur í liðið hjá City. Stjóri liðsins, Pep Guardiola, er hrifinn af því sem Toure hefur sýnt í vetur og mun líklega bjóða honum nýjan samning.

Pablo Zabaleta er aftur á móti á förum og verður kvaddur með virktum í lokaheimaleik liðsins á morgun.