Barnið hans Bebeto komið til Sporting

Eitt af frægari fögnum knattspyrnusögunnar er þegar Brasilíumaðurinn Bebeto fagnaði marki á HM 1994 með því að senda skilaboð til nýfædds sonar síns.

Hann sveiflaði handleggjunum eins og hann væri með barn í höndunum. Félagar hans Romario og Mazinha mættu til hans og fögnuðu á sama hátt. Einstakt og skemmtilegt fagn sem margir hafa síðan stolið.

Síðan líða árin og í gær samdi þetta nýfædda barn við Sporting frá Lissabon. Svona líður tíminn hratt.

Sá heitir Mattheus Oliveira og kemur til Sporting frá Estoril í heimalandinu. Áður var hann á mála hjá Flamengo.

Sporting hefur mikla trú á Brassanum enda er félagið búið að gera fimm ára samning við Mattheus. Bebeto er að springa af stolti yfir stráknum sem hefur spilað með U-20 ára liði Brasilíu.