Lygileg tilviljun: Fréttamaður greindi frá dauða eiginmannsins

Indverski þulurinn Supreet Kaur lenti í því að þurfa greina frá bílslysi sem eiginmaður hennar hafði lent í og látið lífið.

Þetta átti sér stað í fréttatíma á indversku sjónvarpsstöðinni IBC 24. Maðurinn var í bifreið af tegundinni Renault Duster og létust þrír af þeim fimm farþegum sem voru inni í bílnum.

Þegar konan var að lesa fréttirnar áttaði hún sig á því að eiginmaður hennar hefði verið í Renault Duster á sama stað og á sama tíma.

„Þegar leið á fréttatímann gerði hún sér alltaf betur grein fyrir stöðu mála. Hún náði einhvern veginn að klára fréttina og baðst síðan undan að halda áfram,“ segir samstarfsmaður Kaur.