„Ég er mjög ánægður að ná mínum fyrsta ráspól. Ég vona að þetta verði sá fyrsti af mörgum. Við höfum náð miklum hraða út úr bílnum í kaldari kvöldaðstæðunum. Við náðum að fínstilla jafnvægið í bílnum og þá gat ég sett saman góðan hring. Við græðum ekkert á því að láta okkur dreyma um hvað getur gerst á morgun. Við þurfum bara að einbeita okkur að keppninni núna,“ sagði Bottas.
„Fyrri hringurinn í þriðju lotu var góður en ég var hægari en aðrir á fyrsta tímatökusvæðinu. Svona ætti tímatakan alltaf að vera, munurinn á að vera lítill. Þá erum við allir á tánum og það kallar fram fleiri frábær tilþrif,“ sagði Lewis Hamilton.
„Ég var mjög sáttur við fyrsta hringinn í þriðju lotu, þangað til ég sá að þeir voru báðir á undan mér. Ég reyndi aðeins of mikið í seinni tilrauninni,“ sagði Sebastian Vettel sem var um hálfri sekúndu á eftir Bottas.
„Það er stórt augnablik á ferli allra Formúlu 1 ökumanna að ná sínum fyrsta ráspól. Liðið er í góðum málum þegar þeir setja pressu á hvorn annan. Bilið í Ferrari er frekar langt en þeir gætu hafa sett upp bílana meira fyrir keppni en tímatöku,“ sagði Toto Wolff, liðsstjóri Mercedes.
„Það er erfitt að ná fullkomnum hring í tómatökunni. Ég er bara varkár með væntingarnar. Við áttum góða tímatöku í síðustu viku en svo fór sunnudagurinn úrskeiðis. ,“ sagði Nico Hulkenberg sem varð sjöundi á Renault bílum í dag.
„Við vorum búin að gera okkur vonir um að ræsa af annarri rásröð ef allt gegni upp og okkur tókst það. Hringurinn hjá Kimi [Raikkonen] hefur átt erfiðan hring,“ sagði Daniel Ricciardo sem varð fjórði í dag á Red Bull bílnum.
