Áttu að giska hvort konan væri feit eða ólétt

Heimskulegasti og sá allra ljótasti raunveruleikaþáttur heims er fundinn. Það mun vera hollenskur raunveruleikaþáttur sem sjokkeraði hollensku þjóðina á dögunum þegar keppendur áttu að giska hvort kona væri ólétt eða einfaldlega feit.

Dagskráliðurinn heitir Fat or Pregnant? og var í þætti sem kallast Neem je zwemspullen mee sem á að vera einskonar leikjaþáttur og hóf hann göngu sína í síðustu viku.

Þessi dagskráliður fór heldur betur fyrir brjóstið á áhorfendum og gengur nú undirskriftarlisti til að ná þættinum úr sjónvarpi. Nú þegar hafa nokkur þúsund manns skrifað undir hann.

Hér að neðan má sjá brot úr þættinum.