KA/Þór dugar jafntefli í lokaumferðinni til að komast beint upp

Næstsíðasta umferð 1. deildar kvenna í handbolta fór fram í dag.

Topplið KA/Þórs vann tveggja marka sigur á HK, 24-22, fyrir norðan.

Fjölnir, liðið í 2. sæti, vann fimm marka sigur, 29-24, á Víkingi í Dalhúsum.

KA/Þór og Fjölnir mætast í lokaumferðinni. Norðanstúlkum dugar jafntefli til að verða deildarmeistarar og komast beint upp í Olís-deildina. Vinni Fjölnir hins vegar fer liðið beint upp.

Þá tryggði FH sér sæti í umspili um sæti í Olís-deildinni með 31-25 sigri á ÍR í Kaplakrika.

Þá vann Afturelding stórsigur á ungmennaliði Vals, 23-14.