Everton vann Leicester í miklum markaleik

Everton vann góðan sigur á Englandsmeisturum Leicester, 4-2, á Goodison Park en alls voru skoruð fimm mörk í fyrri hálfleiknum.

Tom Davies kom Everton yfir eftir aðeins 30 sekúndna leik en Islam Slimani jafnaði metin stuttu síðar.

Marc Albrighton skoraði síðan glæsilegt mark beint úr aukaspyrnu á tíundu mínútu og Romelu Lukaku jafnaði síðan metin í 2-2 á 23. mínútu.

Rétt fyrir lok fyrri hálfleiks kom Phil Jagielka heimamönnum yfir og staðan því 3-2 í hálfleik.

Romelu Lukaku tryggði þeim bláu síðan sigurinn á 57. mínútu og niðurstaðan 4-2 sigur Everton sem er í sjöunda sæti deildarinnar með 54 stig. Leicester er í því 11. sætinu með 36 stig.