Conor McGregor áfrýjaði á sínum tíma refsingunni sem hann fékk frá íþróttasambandi Nevada þar sem hann kastaði dósum og flöskum að Nate Diaz og félögum á blaðamannafundi.
Atvikið átti sér stað þann 17. ágúst í fyrra. Conor mætti of seint á blaðamannafundinn. Er hann loksins kom steig Diaz á fætur og labbaði út. Lét hann Conor heyra það í leiðinni.
Einhverjir í föruneyti Diaz köstuðu vatnsflöskum í átt að Conor sem svaraði fyrir sig með því að kasta vatnsflöskum á móti sem og dósum af Monster-orkudrykknum.
Fyrir það fékk hann 8,3 milljón króna sekt og var skikkaður til þess að sinna 50 klukkutímum af samfélagsþjónustu.
Búið er að taka áfrýjunina fyrir og var sektin lækkuð í 2,8 milljónir króna og hann þarf aðeins að sinna 25 klukkutímum af samfélagsþjónustu.
Conor varð að ganga frá þessu máli ef hann ætlar sér að berjast við Floyd Mayweather í Las Vegas en það er sagður vera möguleiki.
Refsing Conor fyrir orkudrykkjakastið minnkuð
Tengdar fréttir
Diaz kominn inn í hausinn á Conor
Herbragð Nate Diaz á blaðamannafundinum virðist hafa svínvirkað. Hann er búinn að gera Conor brjálaðan.
Conor hæðist að Diaz: „Ég óttaðist um líf mitt“
Það varð gjörsamlega allt vitlaust á blaðamannafundinum fyrir UFC 202 í gær er Conor McGregor og Nate Diaz grýttu flöskum í hvorn annan.
Flöskum kastað á blaðamannafundi Conor og Diaz
Dana White sleit fundinum skömmu eftir komu Conor.
