Fótbolti

Sandra María send á sjúkrahús

Ingvi Þór Sæmundsson skrifar
Sandra María meiddist illa.
Sandra María meiddist illa. vísir/anton
Freyr Alexandersson segir að Sandra María Jessen hafi verið send á sjúkrahús í myndatöku vegna meiðslanna sem hún varð fyrir í leik Íslands og Noregs á Algarve-mótinu í kvöld.

Sandra María lenti í samstuði við Ingvild Isaksen eftir rúmar 20 mínútur og var borin af velli.

„Hún fór upp á spítala í myndatökur til að útiloka bæði brot og slit á lið- eða krossböndum. Við vitum ekkert eins og staðan er núna,“ sagði Freyr í samtali við Vísi í kvöld.

„Ég sá þetta þokkalega og frá mér séð leit þetta ekki vel út og hún var kvalin. Við vonum bara það besta,“ bætti Freyr við.

Nánar verður rætt við landsliðsþjálfarann í Fréttablaðinu á morgun.

Fótbolti

Tengdar fréttir

Mest lesið


Fleiri fréttir

Sjá meira


×

Mest lesið