Lífið

Svona fer miðasalan á Ricky Gervais fram

Stefán Árni Pálsson skrifar
Einn þekktasti grínisti heims á leiðinni til landsins.
Einn þekktasti grínisti heims á leiðinni til landsins.
Eins og margir vita er Ricky Gervais erá leiðinni til Íslands með Humanity, fyrstu uppistandssýningu sína í sjö ár, og kemur fram í Eldborg Hörpu, sumardaginn fyrsta, fimmtudaginn 20. apríl.

Sjá einnig: Ricky Gervais skemmtir á Íslandi í apríl

Mikil spenna er fyrir komu kappans og hætt við að færri komist að en vilja og því hefur verið brugðið á það ráð að nýta rafræna biðröð og takmarka það hversu marga miða er hægt að kaupa í einu en þetta kemur fram í tilkynningu frá Senu Live.

Biðröðin

Fyrir póstlistaforsöluna og almennu söluna mun Sena Live nýta sér möguleikann á rafrænni biðröð í miðasölukerfinu. Biðröðin virkar þannig að hver sá sem opnar hlekkinn áður en sala hefst fer í biðröð án númers. Í póstlistaforsölunni hefst þessi biðröð um leið og pósturinn er sendur út en í almennu miðasölunni hefst þessi biðröð hálftíma fyrir opnun. Um leið og miðasalan opnast fá allir sem eru í biðröðinni stað í röðinni að kaupferlinu sem valinn er af handahófi. Þess vegna skiptir ekki máli hvort maður opnar hlekkinn mínútu fyrir opnun eða hálftíma fyrir opnun, allir eiga jafnmikinn möguleika á að komast framarlega í röðina.

Miðafjöldi

Venjulega er hægt að kaupa 10 miða í einu en fyrir uppistand Ricky Gervais verður sá miðafjöldi lækkaður niður í 6 miða til að tryggja það að sem flestir komist að.

Almenn miðasala hefst á föstudaginn kl. 10 á Harpa.is/ricky og póstlistaforsala Senu Live hefst á morgun fimmtudag kl. 15:00. Aðeins 1.500 miðar eru í boði í heildina, verðsvæðin eru fimm og kosta miðarnir frá 7.990 kr. Takmarkað magn miða verður í boði í forsölunni.
Póstlistaforsala Senu Live 

Fimmtudaginn 23. febrúar kl. 15:00

Biðröð hefst um leið og forsölupóstur er sendur út.

(skráning hér)

Almenn miðasala

Föstudaginn 24. febrúar kl. 10:00

Biðröð hefst kl. 09:30.

Biðröðin og takmarkaður miðafjöldi eiga við í báðum tilfellum.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.