Kane skoraði sjálfsmark, Alli sá rautt og Spurs úr leik | Sjáðu mörkin og rauða spjaldið

Tottenham er úr leik í Evrópudeildinni eftir 2-2 jafntefli við Gent á Wembley í seinni leik liðanna í 32-liða úrslitum í kvöld. Gent vann fyrri leikinn í Belgíu 1-0 og einvígið því samanlagt 3-2.

Kvöldið byrjaði vel fyrir Tottenham því Christian Eriksen kom liðinu yfir á 10. mínútu.

Tíu mínútum síðar skallaði Harry Kane boltann í eigið mark og staða Spurs því orðin erfið.

Hún varð enn erfiðari þegar Dele Alli fékk að líta rauða spjaldið á 39. mínútu fyrir ruddabrot.

Victor Wanyama gaf Tottenham von með marki á 61. mínútu en Jérémy Perbert slökkti þann vonarneista þegar hann jafnaði metin í 2-2 á 82. mínútu.

Fleiri urðu mörkin ekki og Tottenham er því úr leik.