Megan Dunnigan er gengin í raðir FH. Megan kemur frá ÍA sem hún hefur spilað með undanfarin tvö tímabil.
Megan, sem er 23 ára, skoraði sex mörk í 15 leikjum með ÍA í 1. deildinni sumarið 2015.
Í fyrra skoraði hún svo sex mörk í 18 leikjum í Pepsi-deildinni. Skagakonur skoruðu aðeins 11 mörk í fyrra svo Megan gerði rúman helming marka liðsins.
FH-liðið hefur styrkst nokkuð í vetur en áður voru markvörðurinn Lindsey Harris og kantmaðurinn Caroline Murray gengnar til liðs við Fimleikafélagið.
FH endaði í 6. sæti Pepsi-deildarinnar í fyrra.
Skoraði rúman helming marka ÍA í fyrra en er komin í Krikann
