„Það kemur bara í ljós,“ segir Ásgeir Þór Ásgeirsson, yfirlögregluþjónn á höfuðborgarsvæðinu, þegar hann er spurður hverju þeir mega eiga von á sem munu reyna að fljúga dróna yfir svæðið sem lögreglan hefur lokað af við Hafnarfjarðarhöfn vegna komu Polar Nanoq.
Lögreglan hefur beint því til þeirra sem eru á svæðinu að notkun dróna sé algjörlega bönnuð og hefur fólk verið varað við því að fljúga drónum þarna yfir. „Við gerum ráðstafanir svo að ekki náist myndir með dróna á svæðinu.“
Ásgeir vildi þó ekki tjá sig um hvaða ráðstafana lögreglan mun grípa til verði hún var við dróna yfir svæðinu.
Öllu svæðinu við Hafnarfjarðarhöfn hefur verið lokað og getur fólk ekki keyrt inn á svæðið þar sem Polar Nanoq mun koma að bryggju þar sem Óseyrarbraut er lokuð. Lögreglan hefur beint því til almennings að það verði ekkert að sjá við höfnina.
Einnig er búið að stafla upp gámum á bryggjunni við Hafnarfjarðarhöfn til að byrgja bæði fjölmiðlum og almenningi sýn sem leggur leið sína á svæðið.
Lögreglan: „Við gerum ráðstafanir svo að ekki náist myndir með dróna á svæðinu“
Tengdar fréttir
Undirbúa komu Polar Nanoq: „Vil bara beina því til fólks að sýna stillingu“
Grímur Grímsson, yfirlögregluþjónn sem stýrir rannsókninni á hvarfi Birnu Brjánsdóttur, segir lögreglu viðbúna því að það verði mikið af fólki við Hafnarfjarðarhöfn í kvöld þegar grænlenski togarinn Polar Nanoq leggst þar að bryggju um kluakkan 23.
Þriðji skipverjinn handtekinn
Einnig Grænlendingur líkt og hinir tveir sem höfðu verið handteknir.
Skipstjórinn var ekki handtekinn: Hefðbundið verklag að taka yfir skipið segir lögregla
"Við getum ekkert farið um borð í skipið og síðan ákveður skipstjórinn að sigla eitthvað annað en við ætlum að gera.“
Leitin að Birnu: Tveir menn handteknir
Handteknir um borð í Polar Nanoq en sérsveitarmenn tóku yfir stjórn skipsins.
Áhöfnin mun ekki sæta landgöngubanni
Polar Nanoq kyrrsett á meðan lögreglan leitar.
