Aron og Ásgeir Örn enn spurningamerki

Geir Sveinsson landsliðsþjálfari segir að það ríki enn óvissu um hvort Aron Pálmarsson og Ásgeir Örn Hallgrímsson geti spilað með landsliðinu á HM í Frakklandi.

Alls eru sex leikmenn í íslenska landsliðshópnum meiddir. Staðan á Arnóri Atlasyni er betri en hún var fyrir áramót.

Aron hefur ekki spilað handbolta í tvo mánuði vegna meiðslanna og Geir sagði meiðsli hans vera flókin.

Það þarf ekkert að fjölyrða um hversu mikið áfall það væri fyrir íslenska landsliðið ef bæði Aron og Ásgeir Örn gætu ekki verið með í Frakklandi.