Einstakt EM-ár hjá einni þjóð Óskar Ófeigur Jónsson skrifar 20. desember 2016 06:00 Evrópumeistararnir okkar; Dagur Sigurðsson og Þórir Hergeirsson. vísir/getty/afp Íslenskir handboltaþjálfarar halda áfram að gera það gott og tókst að gera árið 2016 að því besta til þessa. Fjögur gull voru í boði á stórmótum ársins og íslenskir þjálfarar náðu þremur þeirra. Guðmundur Guðmundsson gerði Dani að Ólympíumeisturum í ágúst en tveir aðrir þjálfarar voru að skila flottum árangri á báðum stórmótum ársins. Þórir Hergeirsson og Dagur Sigurðsson áttu báðir magnað og um margt keimlíkt ár þar sem þeir stýrðu landsliðum sínum í verðlaunasæti á tveimur stórmótum. Þórir og Dagur eiga það líka sameiginlegt að þeir stýrðu landsliði sem þeir bjuggu til, Dagur með því að hreinsa vel til innan þýska landsliðshópsins og hrista vel upp í hlutunum en Þórir með áralangri uppbyggingu norska kvennalandsliðsins.graf/guðmundur snærÞað bjuggust ekki margir við miklu af þýska karlalandsliðinu þegar það mætti vængbrotið til leiks á EM í Póllandi í janúar. Liðið var án margra lykilmanna og þar á meðal voru hornamennirnir Uwe Gensheimer fyrirliði og Patrick Groetzki sem höfðu farið fyrir liðinu á fyrsta stórmóti þess undir stjórn Dags. Dagur fann nýja menn og breikkaði um leið hópinn fyrir komandi verkefni. Þrátt fyrir öll forföllin og tap fyrir Spáni í fyrsta leik þá tókst Degi á aðdáunarverðan hátt að snúa vörn í sókn og búa til meistaralið sem vann síðustu sjö leiki sína á mótinu. Liðið endaði á sannfærandi sjö marka sigri á Spáni og sýndi þá hvað það hafði vaxið og dafnað frá því í tapinu í fyrsta leik. Dagur mætti með talsvert meiri væntingar og jafnframt með flesta lykilmenn heila á Ólympíuleikana. Það stefndi í mögulegan Íslendingaslag í úrslitaleiknum en Þjóðverjum tókst ekki að komast í gegnum tvöfalda Ólympíumeistara Frakka í undanúrslitunum. Þýska liðið vann bronsið sannfærandi eftir sigur á Pólverjum og Guðmundur Guðmundsson sá svo um að stoppa sigurgöngu Frakkanna í úrslitaleiknum. Undir stjórn Þóris Hergeirssonar unnu norsku stelpurnar alla átta leiki sína á Evrópumótinu í Svíþjóð, þar á meðal sigur á báðum liðunum sem spiluðu til úrslita á Ólympíuleikunum í Ríó.Dagur Sigurðsson vann til tvennra verðlauna á árinu.vísir/epaNorska liðið varð þá að sætta sig við bronsverðlaunin eftir tap í dramatískri framlengingu á móti verðandi Ólympíumeisturum Rússa. Norska liðið kom til baka eftir vonbrigðin og vann sannfærandi sigur í bronsleiknum. Liðið kláraði síðan alla átta leiki sína á EM og þrátt fyrir fimm gullverðlaun undir stjórn Þóris á síðustu sex árum þá var þetta í fyrsta sinn sem liðið vinnur alla leiki sína á stórmóti eftir að hann tók við sem aðalþjálfari. Samanlagt stýrðu þeir Dagur og Þórir landsliðum sínum til sigurs í 27 af 32 leikjum á stórmótunum tveimur á árinu 2016. Íslensku þjálfararnir tveir fögnuðu sigri í 84 prósent leikjanna á EM og ÓL sem er mögnuð tölfræði.* Heilt yfir eru íslenskir þjálfarar nú handhafar fjögurra af sex stórmótatitlum í boði en það er aðeins heimsmeistaragull karla (Frakkland 2015) og Ólympíugull kvenna (Rússland 2016) sem standa út af borðinu. Guðmundur Guðmundsson (Danmörk) og Dagur Sigurðsson (Þýskaland) stýra báðir sínum landsliðum í síðasta sinn á HM í Frakklandi í byrjun næsta árs og gætu því bætt úr því.Þórir Hergeirsson er ríkjandi heims- og Evrópumeistari.vísir/afpÞjálfarar Evrópumeistaraliða í handbolta2016 Karlar: Þýskaland (Dagur Sigurðsson, Ísland) Konur: Noregur (Þórir Hergeirsson, Ísland)2014 Karlar: Frakkland (Claude Onesta, Frakkland) Konur: Noregur (Þórir Hergeirsson, Ísland)2012 Karlar: Danmörk (Ulrik Wilbek, Danmörk) Konur: Svartfjallaland (Dragan Adzic, Svartfjallaland)2010 Karlar: Frakkland (Claude Onesta, Frakkland) Konur: Noregur (Þórir Hergeirsson, Ísland)2008 Karlar: Danmörk (Ulrik Wilbek, Danmörk) Konur: Noregur (Marit Breivik, Noregur)2006 Karlar: Frakkland (Claude Onesta, Frakkland) Konur: : Noregur (Marit Breivik, Noregur)2004 Karlar: Þýskaland (Heiner Brand, Þýskaland) Konur: Noregur (Marit Breivik, Noregur)2002 Karlar: Svíþjóð (Bengt Johansson, Svíþjóð) Konur: Danmörk (Jan Pytlick, Danmörk2000 Karlar: Svíþjóð (Bengt Johansson, Svíþjóð) Konur: Ungverjaland (Lajos Mocsai, Ungverjaland)1998 Karlar: Svíþjóð (Bengt Johansson, Svíþjóð) Konur: Noregur (Marit Breivik, Noregur)1996 Karlar: Rússland (Vladimir Maksimov, Rússland) Konur: Danmörk (Ulrik Wilbek, Danmörk)1994 Karlar: Svíþjóð (Bengt Johansson, Svíþjóð) Konur: Danmörk (Ulrik Wilbek, Danmörk) Fréttir ársins 2016 Íslenski handboltinn Mest lesið Markvörður Real í fýlu og mætir ekki til Íslands Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Í beinni: Breiðablik - Spartak Subotica | Freista þess að komast í nýju Evrópukeppnina Fótbolti Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn Gætu spilað á Wembley ef Emirates fær Real Madrid uppfærslu Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Markaflóð á Akureyri Viktor Gísli og félagar í Barcelona heimsmeistarar félagsliða Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Íslendingaliðið í undanúrslit Sjá meira
Íslenskir handboltaþjálfarar halda áfram að gera það gott og tókst að gera árið 2016 að því besta til þessa. Fjögur gull voru í boði á stórmótum ársins og íslenskir þjálfarar náðu þremur þeirra. Guðmundur Guðmundsson gerði Dani að Ólympíumeisturum í ágúst en tveir aðrir þjálfarar voru að skila flottum árangri á báðum stórmótum ársins. Þórir Hergeirsson og Dagur Sigurðsson áttu báðir magnað og um margt keimlíkt ár þar sem þeir stýrðu landsliðum sínum í verðlaunasæti á tveimur stórmótum. Þórir og Dagur eiga það líka sameiginlegt að þeir stýrðu landsliði sem þeir bjuggu til, Dagur með því að hreinsa vel til innan þýska landsliðshópsins og hrista vel upp í hlutunum en Þórir með áralangri uppbyggingu norska kvennalandsliðsins.graf/guðmundur snærÞað bjuggust ekki margir við miklu af þýska karlalandsliðinu þegar það mætti vængbrotið til leiks á EM í Póllandi í janúar. Liðið var án margra lykilmanna og þar á meðal voru hornamennirnir Uwe Gensheimer fyrirliði og Patrick Groetzki sem höfðu farið fyrir liðinu á fyrsta stórmóti þess undir stjórn Dags. Dagur fann nýja menn og breikkaði um leið hópinn fyrir komandi verkefni. Þrátt fyrir öll forföllin og tap fyrir Spáni í fyrsta leik þá tókst Degi á aðdáunarverðan hátt að snúa vörn í sókn og búa til meistaralið sem vann síðustu sjö leiki sína á mótinu. Liðið endaði á sannfærandi sjö marka sigri á Spáni og sýndi þá hvað það hafði vaxið og dafnað frá því í tapinu í fyrsta leik. Dagur mætti með talsvert meiri væntingar og jafnframt með flesta lykilmenn heila á Ólympíuleikana. Það stefndi í mögulegan Íslendingaslag í úrslitaleiknum en Þjóðverjum tókst ekki að komast í gegnum tvöfalda Ólympíumeistara Frakka í undanúrslitunum. Þýska liðið vann bronsið sannfærandi eftir sigur á Pólverjum og Guðmundur Guðmundsson sá svo um að stoppa sigurgöngu Frakkanna í úrslitaleiknum. Undir stjórn Þóris Hergeirssonar unnu norsku stelpurnar alla átta leiki sína á Evrópumótinu í Svíþjóð, þar á meðal sigur á báðum liðunum sem spiluðu til úrslita á Ólympíuleikunum í Ríó.Dagur Sigurðsson vann til tvennra verðlauna á árinu.vísir/epaNorska liðið varð þá að sætta sig við bronsverðlaunin eftir tap í dramatískri framlengingu á móti verðandi Ólympíumeisturum Rússa. Norska liðið kom til baka eftir vonbrigðin og vann sannfærandi sigur í bronsleiknum. Liðið kláraði síðan alla átta leiki sína á EM og þrátt fyrir fimm gullverðlaun undir stjórn Þóris á síðustu sex árum þá var þetta í fyrsta sinn sem liðið vinnur alla leiki sína á stórmóti eftir að hann tók við sem aðalþjálfari. Samanlagt stýrðu þeir Dagur og Þórir landsliðum sínum til sigurs í 27 af 32 leikjum á stórmótunum tveimur á árinu 2016. Íslensku þjálfararnir tveir fögnuðu sigri í 84 prósent leikjanna á EM og ÓL sem er mögnuð tölfræði.* Heilt yfir eru íslenskir þjálfarar nú handhafar fjögurra af sex stórmótatitlum í boði en það er aðeins heimsmeistaragull karla (Frakkland 2015) og Ólympíugull kvenna (Rússland 2016) sem standa út af borðinu. Guðmundur Guðmundsson (Danmörk) og Dagur Sigurðsson (Þýskaland) stýra báðir sínum landsliðum í síðasta sinn á HM í Frakklandi í byrjun næsta árs og gætu því bætt úr því.Þórir Hergeirsson er ríkjandi heims- og Evrópumeistari.vísir/afpÞjálfarar Evrópumeistaraliða í handbolta2016 Karlar: Þýskaland (Dagur Sigurðsson, Ísland) Konur: Noregur (Þórir Hergeirsson, Ísland)2014 Karlar: Frakkland (Claude Onesta, Frakkland) Konur: Noregur (Þórir Hergeirsson, Ísland)2012 Karlar: Danmörk (Ulrik Wilbek, Danmörk) Konur: Svartfjallaland (Dragan Adzic, Svartfjallaland)2010 Karlar: Frakkland (Claude Onesta, Frakkland) Konur: Noregur (Þórir Hergeirsson, Ísland)2008 Karlar: Danmörk (Ulrik Wilbek, Danmörk) Konur: Noregur (Marit Breivik, Noregur)2006 Karlar: Frakkland (Claude Onesta, Frakkland) Konur: : Noregur (Marit Breivik, Noregur)2004 Karlar: Þýskaland (Heiner Brand, Þýskaland) Konur: Noregur (Marit Breivik, Noregur)2002 Karlar: Svíþjóð (Bengt Johansson, Svíþjóð) Konur: Danmörk (Jan Pytlick, Danmörk2000 Karlar: Svíþjóð (Bengt Johansson, Svíþjóð) Konur: Ungverjaland (Lajos Mocsai, Ungverjaland)1998 Karlar: Svíþjóð (Bengt Johansson, Svíþjóð) Konur: Noregur (Marit Breivik, Noregur)1996 Karlar: Rússland (Vladimir Maksimov, Rússland) Konur: Danmörk (Ulrik Wilbek, Danmörk)1994 Karlar: Svíþjóð (Bengt Johansson, Svíþjóð) Konur: Danmörk (Ulrik Wilbek, Danmörk)
Fréttir ársins 2016 Íslenski handboltinn Mest lesið Markvörður Real í fýlu og mætir ekki til Íslands Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Í beinni: Breiðablik - Spartak Subotica | Freista þess að komast í nýju Evrópukeppnina Fótbolti Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn Gætu spilað á Wembley ef Emirates fær Real Madrid uppfærslu Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Íslendingarnir frábærir og fögnuðu í Danmörku Allt upp á tíu hjá Elínu Klöru Varaforseti EHF handtekinn Vonast til að landsliðstreyjurnar fari í sölu á næstu vikum „Fjárhagsstaðan býður ekki upp á það að við leikum okkur með þann miðafjölda“ Lovísa Thompson kemur aftur inn í íslenska A-landsliðið Sjáðu svakalega vítakeppni þegar frændliðin börðust í bikarnum Aron Rafn hetja Hauka gegn Val og Fjölnir henti Stjörnunni úr leik Bikarmeistararnir sluppu með skrekkinn Unnu síðustu átján mínúturnar með tíu mörkum Laus úr útlegðinni og mættur heim Selfoss úr leik þrátt fyrir sigur Misjafnt gengi Íslendingaliðanna Valur áfram eftir góðan sigur KA áfram eftir þægilegan sigur í Eyjum Ómar Ingi frábær með Magdeburg í naumum sigri Haukar og Fram með mikilvæga sigra Tíu íslensk mörk í góðum sigri toppliðsins „Það var smá stress og drama“ Afturelding áfram með fullt hús stiga Markaflóð á Akureyri Viktor Gísli og félagar í Barcelona heimsmeistarar félagsliða Tíu íslensk mörk þegar Magdeburg tók bronsið Valur vann stigalausu Stjörnuna Sandra með stórleik í sigri gegn Selfossi Stórleikur Hauks dugði ekki til sigurs Elín Klara markahæst hjá toppliðinu Íslendingaliðið í undanúrslit Sjá meira