Ragnar ánægður með framboð Guðna: „Þetta líst mér á“

Eins og greint var frá fyrir skemmstu ætlar Guðni Bergsson, lögmaður og fyrrverandi landsliðsfyrirliði, að bjóða sig fram til formanns KSÍ. Guðni sendi frá sér tilkynningu þess efnis nú í morgun.

Geir Þorsteinsson hefur verið formaður KSÍ frá árinu 2007 og gefur áfram kost á sér til formennsku.

Það stefnir því í spennandi formannsslag á ársþingi KSÍ í Vestmannaeyjum 11. febrúar næstkomandi.

Meðal þess sem hafa lýst yfir ánægju sinni með framboð Guðna er Ragnar Sigurðsson, leikmaður íslenska landsliðsins og Fulham á Englandi.

Ragnar deilir fréttinni á Twitter og skrifar við: „Þetta líst mér á“, eins og sjá má hér að neðan.

Þetta líst mer á https://t.co/PpBoJZbocV

— Ragnar Sigurðsson (@sykurinn) December 14, 2016