Donald Trump hefur fengið tvo þekkta fjárfesta til að vera fjármálaráðherra og viðskiptaráðherra í ríkisstjórn sinni.
Steven Mnuchin verður fjármálaráðherra og Wilbur Ross viðskiptaráðherra. Báðir eru vellauðugir með góð tengsl við viðskiptaheiminn á Wall Street, rétt eins og Trump sjálfur.
Gagnrýnendum Trumps finnst þetta stangast á við yfirlýsingar hans í kosningabaráttunni um að hann ætli að draga úr áhrifum viðskiptaheimsins á stjórn landsins.
„Steve Mnuchin er bara enn einn innanbúðarmaðurinn á Wall Street,“ segir í yfirlýsingu demókratanna Bernies Sanders og Elizabeth Warren. „Það er ekki breyting af því tagi sem Donald Trump lofaði að gera í Washington, þetta er hræsni af verstu sort.“
Auðkýfingar í lykilstöður í stjórn Donalds Trump
