Írinn Conor McGregor segir að lætin í Jose Aldo síðustu vikur séu leikrit. Hann þori í raun ekki að berjast við sig.
Aldo stendur í miklum slag vð UFC þessa dagana. Hann segist vera hættur í MMA og vill losna undan samningi við UFC.
Ástæðan fyrir þessari fýlu er sögð vera sú að hann fékk ekki að keppa við Conor um fjaðurvigtarbeltið í New York. Conor rotaði Aldo á 13 sekúndum í desember í fyrra.
„Ég held að hann vilji ekki berjast við mig. Ég held að hann sé ánægður með þetta rifrildi við UFC. Ég rotaði hann, hann kom til baka, vann á dómaraúrskurði og á bráðabrigðabelti. Ég held hann vilji standa í þessu rifrildi svo hann þurfi ekki að berjast aftur,“ sagði McGregor.
