Freyr: Mun kafa djúpt eftir lausnum Eiríkur Stefán Ásgeirsson skrifar 28. október 2016 07:00 Freyr Alexandersson hefur verk að vinna. vísir/stefán „Ferðin til Kína nýttist okkur mjög vel og leikurinn gegn Kínverjum var frábær,“ segir landsliðsþjálfarinn Freyr Alexandersson um ferð A-landsliðs kvenna til borgarinnar Chongqing í suðvesturhluta Kína. Ferðin markaði endi á frábæru ári liðsins en hápunktur þess var án nokkurs vafa er Ísland tryggði sér sæti á sínu þriðja Evrópumeistaramóti í röð. Ísland vann sinn riðil í undankeppninni EM og fékk ekki á sig mark fyrr en í óvæntu tapi fyrir Skotum á Laugardalsvelli í lokaumferðinni. Þá var farseðillinn á EM þó tryggður og kom tapið ekki heldur að sök þegar liðum var raðað í styrkleikaflokka fyrir EM, en dregið verður í riðla 8. nóvember. Ísland verður þá í þriðja styrkleikaflokki af fjórum. Freyr segir að stærsti kosturinn við ferðina til Kína hafi verið að fá að spila gegn einu besta landsliði heims, Kína, fyrir framan fjölda áhorfenda þar sem umgjörð í kringum leikinn var stærri en leikmenn íslenska liðsins hafa vanist.Framherjavandræði yfirvofandi „Við fengum að prófa nýtt leikkerfi gegn þjóð sem er meðal tíu bestu í heiminum. Heilt yfir gekk það vel,“ sagði Freyr sem stillti Íslandi upp samkvæmt 3-5-2 leikkerfinu, í stað hefðbundinnar fjögurra manna varnarlínu. „Það er ekki aðeins erfitt að fá leik gegn stórþjóð heldur einnig að spila við aðstæður eins og voru úti. Það á eftir að koma okkur mikið til góða fyrir EM næsta sumar, ekki síður en að hafa prófað nýtt leikkerfi.“ Freyr hefur þó verið í framherjavandræðum síðan Harpa Þorsteinsdóttir tilkynnti að hún væri barnshafandi. Harpa missti af síðustu tveimur leikjum Íslands í undankeppninni en var samt markahæsti leikmaður keppninnar með tíu mörk, ásamt hinni norsku Ada Hegerberg, besta leikmanni heims, og Jane Ross frá Skotlandi. Til að bæta gráu ofan á svart er Margrét Lára Viðarsdóttir enn að glíma við þrálát meiðsli í læri líkt og undanfarin ár og mun hún gangast undir aðgerð þann 1. nóvember.Fanndís frábær í sókninni „Það var erfitt og þungt að missa Hörpu og nú er Margrét mjög tæp. Það var gott að fá svör við því í Kína hvernig okkur reiðir af án þeirra. Það er alveg ljóst að við þurfum að kafa djúpt til að fá þau gæði í sóknarleikinn sem við viljum hafa,“ segir Freyr sem segist hafa upplifað svipaða stöðu fyrir átján mánuðum – áður en undankeppni EM 2017 hófst. „Þá vorum við nýkomin heim frá Algarve. Við vorum ánægð með varnarleikinn en sóknin hafði verið höktandi. Við lögðumst í mikla vinnu til að laga það og komum Hörpu í hlutverk sem hún hafði ekki fengið áður. Við löguðum leikstíl liðsins að hennar þörfum og þá komu mörkin á færibandi.“ Hann segist þó ekki hræðast ástandið og lítur á þetta sem nýtt verkefni. „Þetta er ekki kjörstaða og maður hefði kosið að halda áfram í sama taktinum. En þrátt fyrir að það séu engir leikmenn sem geta tekið við þeirra hlutverki þá eigum við fullt af sterkum leikmönnum sem eru þó annars konar en til dæmis Harpa og Margrét Lára. Nú verður það verkefni mitt að finna út úr því hvaða lausn henti okkur.“ Freyr nefnir sem dæmi að Fanndís Friðriksdóttir hafi blómstrað sem framherji í tveggja manna sóknarlínu. „Hún skoraði tvö mörk sem framherji í Kína og var hrikalega góð. En hún er líka frábær kantmaður og því þarf líka að velta fyrir sér hversu mikill fórnarkostnaður það er að færa hana úr stöðu.“Langt yfir okkar markmiðum Landsliðið spilaði þrettán leiki á árinu. Liðið vann sjö, gerði þrjú jafntefli og var með markatöluna 33-10 en þar að auki hélt Ísland hreinu í fimm leikjum. „Það eina sem ég er ósáttur við eftir árið er að tapa fyrir Skotum hér heima. En heilt yfir var það mjög gott og erum við langt yfir öllum okkar markmiðum, til dæmis hvað varðar mörk skoruð og mörk fengin á okkur. Sigurhlutfallið er hátt og ég er mjög ánægður með þróunina.“ EM 2017 í Hollandi Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Arnari gekk illa að ná í þunna Víkinga Íslenski boltinn Svona var blaðamannafundur KSÍ fyrir leikinn gegn Úkraínu Fótbolti Missa af Messi vegna harðra aðgerða gegn innflytjendum í Chicago Fótbolti Rifust um olnbogaskot Drungilas Körfubolti Fleiri fréttir Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Sjá meira
„Ferðin til Kína nýttist okkur mjög vel og leikurinn gegn Kínverjum var frábær,“ segir landsliðsþjálfarinn Freyr Alexandersson um ferð A-landsliðs kvenna til borgarinnar Chongqing í suðvesturhluta Kína. Ferðin markaði endi á frábæru ári liðsins en hápunktur þess var án nokkurs vafa er Ísland tryggði sér sæti á sínu þriðja Evrópumeistaramóti í röð. Ísland vann sinn riðil í undankeppninni EM og fékk ekki á sig mark fyrr en í óvæntu tapi fyrir Skotum á Laugardalsvelli í lokaumferðinni. Þá var farseðillinn á EM þó tryggður og kom tapið ekki heldur að sök þegar liðum var raðað í styrkleikaflokka fyrir EM, en dregið verður í riðla 8. nóvember. Ísland verður þá í þriðja styrkleikaflokki af fjórum. Freyr segir að stærsti kosturinn við ferðina til Kína hafi verið að fá að spila gegn einu besta landsliði heims, Kína, fyrir framan fjölda áhorfenda þar sem umgjörð í kringum leikinn var stærri en leikmenn íslenska liðsins hafa vanist.Framherjavandræði yfirvofandi „Við fengum að prófa nýtt leikkerfi gegn þjóð sem er meðal tíu bestu í heiminum. Heilt yfir gekk það vel,“ sagði Freyr sem stillti Íslandi upp samkvæmt 3-5-2 leikkerfinu, í stað hefðbundinnar fjögurra manna varnarlínu. „Það er ekki aðeins erfitt að fá leik gegn stórþjóð heldur einnig að spila við aðstæður eins og voru úti. Það á eftir að koma okkur mikið til góða fyrir EM næsta sumar, ekki síður en að hafa prófað nýtt leikkerfi.“ Freyr hefur þó verið í framherjavandræðum síðan Harpa Þorsteinsdóttir tilkynnti að hún væri barnshafandi. Harpa missti af síðustu tveimur leikjum Íslands í undankeppninni en var samt markahæsti leikmaður keppninnar með tíu mörk, ásamt hinni norsku Ada Hegerberg, besta leikmanni heims, og Jane Ross frá Skotlandi. Til að bæta gráu ofan á svart er Margrét Lára Viðarsdóttir enn að glíma við þrálát meiðsli í læri líkt og undanfarin ár og mun hún gangast undir aðgerð þann 1. nóvember.Fanndís frábær í sókninni „Það var erfitt og þungt að missa Hörpu og nú er Margrét mjög tæp. Það var gott að fá svör við því í Kína hvernig okkur reiðir af án þeirra. Það er alveg ljóst að við þurfum að kafa djúpt til að fá þau gæði í sóknarleikinn sem við viljum hafa,“ segir Freyr sem segist hafa upplifað svipaða stöðu fyrir átján mánuðum – áður en undankeppni EM 2017 hófst. „Þá vorum við nýkomin heim frá Algarve. Við vorum ánægð með varnarleikinn en sóknin hafði verið höktandi. Við lögðumst í mikla vinnu til að laga það og komum Hörpu í hlutverk sem hún hafði ekki fengið áður. Við löguðum leikstíl liðsins að hennar þörfum og þá komu mörkin á færibandi.“ Hann segist þó ekki hræðast ástandið og lítur á þetta sem nýtt verkefni. „Þetta er ekki kjörstaða og maður hefði kosið að halda áfram í sama taktinum. En þrátt fyrir að það séu engir leikmenn sem geta tekið við þeirra hlutverki þá eigum við fullt af sterkum leikmönnum sem eru þó annars konar en til dæmis Harpa og Margrét Lára. Nú verður það verkefni mitt að finna út úr því hvaða lausn henti okkur.“ Freyr nefnir sem dæmi að Fanndís Friðriksdóttir hafi blómstrað sem framherji í tveggja manna sóknarlínu. „Hún skoraði tvö mörk sem framherji í Kína og var hrikalega góð. En hún er líka frábær kantmaður og því þarf líka að velta fyrir sér hversu mikill fórnarkostnaður það er að færa hana úr stöðu.“Langt yfir okkar markmiðum Landsliðið spilaði þrettán leiki á árinu. Liðið vann sjö, gerði þrjú jafntefli og var með markatöluna 33-10 en þar að auki hélt Ísland hreinu í fimm leikjum. „Það eina sem ég er ósáttur við eftir árið er að tapa fyrir Skotum hér heima. En heilt yfir var það mjög gott og erum við langt yfir öllum okkar markmiðum, til dæmis hvað varðar mörk skoruð og mörk fengin á okkur. Sigurhlutfallið er hátt og ég er mjög ánægður með þróunina.“
EM 2017 í Hollandi Mest lesið „Ég var mjög leið og bara ótrúlega vonsvikin“ Sport „Staða mín er svolítið erfið“ Fótbolti Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Sir Jim Ratcliffe: Amorim þarf þrjú ár til að sanna sig Enski boltinn Gæti lamast eftir árekstur við auglýsingaskilti Fótbolti Arnari gekk illa að ná í þunna Víkinga Íslenski boltinn Svona var blaðamannafundur KSÍ fyrir leikinn gegn Úkraínu Fótbolti Missa af Messi vegna harðra aðgerða gegn innflytjendum í Chicago Fótbolti Rifust um olnbogaskot Drungilas Körfubolti Fleiri fréttir Svakalega slysalegt klobbamark í undankeppni HM „Klúðraði þessum frægu vítum en er ógeðslega sterkur“ Arnari gekk illa að ná í þunna Víkinga „Getum eyðilagt drauma Úkraínu á morgun“ Svona var blaðamannafundur KSÍ fyrir leikinn gegn Úkraínu Gæti lamast eftir árekstur við auglýsingaskilti Dæmdu Valsmann í leikbann en drógu það síðan til baka „Ekki alltaf hægt að tala vel um mann“ Utan vallar: Var Helgi Guðjóns að eiga Steina Gísla sumar? Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Vonsvikinn Nik: Þriðja og fjórða markið gætu skipt sköpum Amanda fagnaði stigi gegn ensku meisturunum Cecilía og Karólína komnar inn um dyrnar Salah sendi Egypta á HM Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum „Særði fólk mikið með því að fara til Sádi-Arabíu“ Cristiano Ronaldo: Fjölskyldan biður mig um að hætta Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Sjá meira