Nico Rosberg á Mercedes kom fyrstur í mark og Mercedes tryggði sér heimsmeistaratitil bílasmiða. Rúnar Jónsson og Kristján Einar Kristjánsson, sérfræðingar Stöðvar 2 fara yfir allt það helsta frá japanska kappakstrinum í dag.
Rosberg jók forskot sitt upp í 33 stig í heimsmeistarakeppni ökumanna. Lewis Hamilton þurfti að berjast fyrir sínu 100. verðlaunasæti í Formúlu 1 eftir arfa slaka ræsingu á rökum brautarhelmingi.
