Seðlabankastjóri negldi tökur í fyrstu tilraun Sara McMahon skrifar 22. september 2016 10:00 Stuttmynd leikstjórans Eyþórs Jóvinssonar keppir í flokknum Besta íslenska stuttmyndin á RIFF. Mynd/Eyþór Stuttmyndin Litla stund hjá Hansa eftir leikstjórann Eyþór Jóvinsson verður sýnd á kvikmyndahátíðinni RIFF þann 29. september. Í myndinni leika Sveinn Ólafur Gunnarsson, Helgi Björnsson, Elísabet Thea Kristjánsdóttir og bankastjóri Seðlabanka Íslands, Már Guðmundsson. Eyþór hóf nám við Kvikmyndaskóla Íslands eftir að frumraun hans, stuttmyndin Sker, var tilnefnd sem besta stuttmyndin á Tribeca-kvikmyndahátíðinni í New York árið 2014. Eyþór, sem útskrifaðist sem arkitekt árið 2010, viðurkennir að leið hans í kvikmyndanámið sé svolítið krókótt og segir tilviljun hafa ráðið því að hann leiddist inn á þessa braut. „Ég bjó fyrir vestan á tímabili og var þar í útgáfustarfsemi. Tveir félagar mínir spurðu mig einn daginn hvort ég vildi framleiða stuttmynd sem þeir ætluðu að gera – ég vissi í raun ekkert hvað þeir voru að biðja mig um, en við enduðum á því að gera þrjár litlar hryllingsmyndir fyrir vestan. Eftir þá reynslu langaði mig að prófa að gera þetta sjálfur og afrakstur þess var stuttmyndin Sker,“ útskýrir hann. „Ég er alinn upp í bókabúð á Flateyri og hefði frekar búist við því að enda sem rithöfundur, það hefði verið eðlilegri framvinda, en mér þykir kvikmyndaformið skemmtilegra frásagnarform.“Litla stund hjá Hansa er byggð á samnefndri smásögu Þórarins Eldjárn sem kom út árið 1985. Eyþór datt niður á söguna fyrir tilviljun og varð heillaður um leið. Hann segir söguþráðinn eiga jafn vel við í dag og fyrir þrjátíu. „Sagan fjallar um aðstoðarseðlabankastjóra Íslands og gjaldeyrishöftin og á jafnvel enn betur við í dag en þegar hún var skrifuð. Ég fékk leyfi hjá Þórarni til að nota söguna og færði hana svo sjálfur yfir til okkar dags.“ Seðlabankastjóri Íslands, Már Guðmundsson, fer með hlutverk í myndinni. Að sögn Eyþórs reyndist lítið mál að fá Má til leiks. „Honum leist bara vel á þetta og stóð sig með stakri prýði. Hann gerði reyndar meira en bara að leika því hann tók að sér að endurskrifa textann sinn með sínu orðalagi, hann á því sinn kafla í myndinni alveg skuldlaust.“ Spurður hvort seðlabankastjóri sé efnilegur leikari, svarar Eyþór því játandi. „Hann negldi þetta í fyrstu tilraun, en það er kannski ekki vandasamt verk að leika sjálfan sig,“ segir hann og hlær. Líkt og áður segir verður Litla stund hjá Hansa sýnd þann 29. september og keppir í flokknum Besta íslenska stuttmyndin. Eyþór segist spenntur fyrir frumsýningardeginum. „Maður fær alltaf smá hnút í magann fyrir frumsýningar því maður veit aldrei á hverju maður á von: munu áhorfendur hafa gaman af eða ganga út? En þetta er auðvitað spennandi og gaman,“ segir hann að lokum. Bíó og sjónvarp RIFF Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Við munum ekki eldast saman“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Stuttmyndin Litla stund hjá Hansa eftir leikstjórann Eyþór Jóvinsson verður sýnd á kvikmyndahátíðinni RIFF þann 29. september. Í myndinni leika Sveinn Ólafur Gunnarsson, Helgi Björnsson, Elísabet Thea Kristjánsdóttir og bankastjóri Seðlabanka Íslands, Már Guðmundsson. Eyþór hóf nám við Kvikmyndaskóla Íslands eftir að frumraun hans, stuttmyndin Sker, var tilnefnd sem besta stuttmyndin á Tribeca-kvikmyndahátíðinni í New York árið 2014. Eyþór, sem útskrifaðist sem arkitekt árið 2010, viðurkennir að leið hans í kvikmyndanámið sé svolítið krókótt og segir tilviljun hafa ráðið því að hann leiddist inn á þessa braut. „Ég bjó fyrir vestan á tímabili og var þar í útgáfustarfsemi. Tveir félagar mínir spurðu mig einn daginn hvort ég vildi framleiða stuttmynd sem þeir ætluðu að gera – ég vissi í raun ekkert hvað þeir voru að biðja mig um, en við enduðum á því að gera þrjár litlar hryllingsmyndir fyrir vestan. Eftir þá reynslu langaði mig að prófa að gera þetta sjálfur og afrakstur þess var stuttmyndin Sker,“ útskýrir hann. „Ég er alinn upp í bókabúð á Flateyri og hefði frekar búist við því að enda sem rithöfundur, það hefði verið eðlilegri framvinda, en mér þykir kvikmyndaformið skemmtilegra frásagnarform.“Litla stund hjá Hansa er byggð á samnefndri smásögu Þórarins Eldjárn sem kom út árið 1985. Eyþór datt niður á söguna fyrir tilviljun og varð heillaður um leið. Hann segir söguþráðinn eiga jafn vel við í dag og fyrir þrjátíu. „Sagan fjallar um aðstoðarseðlabankastjóra Íslands og gjaldeyrishöftin og á jafnvel enn betur við í dag en þegar hún var skrifuð. Ég fékk leyfi hjá Þórarni til að nota söguna og færði hana svo sjálfur yfir til okkar dags.“ Seðlabankastjóri Íslands, Már Guðmundsson, fer með hlutverk í myndinni. Að sögn Eyþórs reyndist lítið mál að fá Má til leiks. „Honum leist bara vel á þetta og stóð sig með stakri prýði. Hann gerði reyndar meira en bara að leika því hann tók að sér að endurskrifa textann sinn með sínu orðalagi, hann á því sinn kafla í myndinni alveg skuldlaust.“ Spurður hvort seðlabankastjóri sé efnilegur leikari, svarar Eyþór því játandi. „Hann negldi þetta í fyrstu tilraun, en það er kannski ekki vandasamt verk að leika sjálfan sig,“ segir hann og hlær. Líkt og áður segir verður Litla stund hjá Hansa sýnd þann 29. september og keppir í flokknum Besta íslenska stuttmyndin. Eyþór segist spenntur fyrir frumsýningardeginum. „Maður fær alltaf smá hnút í magann fyrir frumsýningar því maður veit aldrei á hverju maður á von: munu áhorfendur hafa gaman af eða ganga út? En þetta er auðvitað spennandi og gaman,“ segir hann að lokum.
Bíó og sjónvarp RIFF Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Ég fæ morgnana til að vera bara ég“ Tónlist Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið Tæpur helmingur íbúa hefur séð myndina Bíó og sjónvarp „Við munum ekki eldast saman“ Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira