Íslenski boltinn

Eyjakonur ekki í vandræðum gegn KR

Úr leik ÍBV og Stjörnunnar á dögunum.
Úr leik ÍBV og Stjörnunnar á dögunum. Vísir/anton
ÍBV vann sannfærandi 3-0 sigur þegar liðið tók á móti KR í 16. umferð Pepsi-deildar kvenna en öll mörk Eyjaliðsins komu í seinni hálfleik.

KR berst fyrir lífi sínu í deild þeirra bestu en Eyjakonur sigla lygnan sjó um miðja deild þegar tvær umferðir eru eftir af tímabilinu.

Abigail Cottam kom ÍBV yfir á 61. mínútu en korteri síðar bætti Cloe Lacasse við öðru marki ÍBV. Sigríður Lára Garðarsdóttir bætti við þriðja marki ÍBV og gulltryggði sigurinn á 91. mínútu.

KR á erfiðan leik gegn Stjörnunni í næstu umferð en liðið á að lokum leik gegn botnliði ÍA í lokaumferðinni á meðan ÍBV mætir FH og Þór/KA í lokaumferðunum.

Pepsi Max-deild kvenna

Mest lesið


Fleiri fréttir

Sjá meira


×

Mest lesið