Fimleikastúlkan Simone Biles hefur heldur betur slegið í gegn á ÓL í Ríó.
Hún sýndi ótrúleg tilþrif er hún vann fjölþrautina og bætti svo við sig gulli í stökki í gær. Hún tekur svo þátt í úrslitum á jafnvægsslá í dag og er líkleg til afreka.
Henni hefur mikið verið hrósað og talað um í fjölmiðlum að hún sé næsta Usain Bolt eða Michael Phelps. Hún er ekki hrifin af slíku tali.
„Ég er ekki næsta Bolt eða Phelps heldur fyrsta Simone Biles,“ sagði bandaríska stúlkan ákveðin en sumir segja að hún sé besta fimleikakona allra tíma. Stór orð.
Biles á enn möguleika á því að vinna fimm gullverðlaun á leikunum í Ríó.
Er ekki næsta Bolt eða Phelps heldur fyrsta Simone Biles
Tengdar fréttir
Biles tók þriðja gullið | Myndir
Bandaríska fimleikadrottningin Simone Biles náði í dag í sín þriðju gullverðlaun á Ólympíuleikunum í Ríó.
Smávaxna fimleikadrottningin sem er að sigra heiminn
Bandaríska fimleikakonan Simone Biles er ein af stjörnum Ólympíuleikanna í Ríó til þessa.
