Selfoss og Keflavík gerðu markalaust jafntefli | Sigurbergur klúðraði víti

Selfoss og Keflavík gerðu markalaust jafntefli í Inkasso-deildinni í knattspyrnu í kvöld en leikurinn fór fram á Selfossi.

Á 23. mínútu leiksins fengu Keflvíkingar vítaspyrnu en Sigurbergur Elísson misnotaði spyrnuna og því var staðan 0-0 í hálfleik.

Liðunum gekk mjög erfilega að skora í kvöld og vildi boltinn bara ekki fara inn í netið. Niðurstaðan varð á endanum markalaust jafntefli.

Keflavík sem fyrr í fimmta sæti deildarinnar með 22 stig og Selfyssingar í því sjötta með 17 stig. Þetta er sjöunda jafnteflið sem Keflavík gerir í Inkasso-deildinni í sumar og eru þeir jafntefliskóngarnir í deildinni.