Bandaríski kylfingurinn Jimmy Walker er með eins höggs forystu á Jason Day fyrir lokahringinn á PGA meistaramótinu í golfi.
Walker lék þriðja hringinn á tveimur höggum undir pari og er samtals á 11 höggum undir pari.
Day, efsti maður heimslistans og sigurvegarinn á PGA meistaramótinu í fyrra, lék þriðja hringinn á þremur undir pari og er samtals á 10 höggum undir pari.
Brooks Koepka frá Bandaríkjunum og Henrik Stenson frá Svíþjóð eru svo jafnir í 3.-4. sæti á níu höggum undir pari.
Bein útsending frá lokahringnum hefst klukkan 18:00 á Golfstöðinni.
Valur
KR
