Hanna Ingibjörg nýr ritstjóri Gestgjafans

Hanna Ingibjörg Arnarsdóttir hefur verið ráðin ritstjóri Gestgjafans frá 1. ágúst 2016.

Hanna Ingibjörg tekur við starfinu af Sigríði Björk Bragadóttur.

Í tilkynningu frá Birtingi segir að Hanna Ingibjörg hafi starfað sem blaðamaður á Gestgjafanum í mörg ár og þekki því mjög vel til starfa innan ritstjórnar blaðsins.

„Hún hefur brennandi áhuga á hvers kyns matargerð og matartengdri menningu.

Hanna Ingibjörg er með B.Ed. í grunnskólakennarafræðum frá HÍ. Auk starfa á Gestgafanum á undangengnum árum hefur hún unnið fyrir franska sendiráðið og einnig sem kennari í Réttarholtsskóla.

Hanna Ingibjörg er gift Kjartani Valdemarssyni, hljómlistarmanni, og eiga þau tvær dætur,“ segir í tilkynningunni.