Lars Lagerbäck, annar landsliðsþjálfara íslenska landsliðsins í fótbolta, sagði á blaðamannafundi í Annecy í dag að vera með Ísland á stórmóti væri meira sérstakt en að vera á stórmóti með Svíþjóð eða Nígeríu.
Lars er á sínu sjöunda stórmóti á ferlinum. Hann fór fimm sinnum með Svía; þrisvar EM og tvisvar á HM, en síðast stýrði hann Nígeríu á HM 2010 í Suður-Afríku.
„Það hefur verið gaman að fara með öllum þessum þjóðum á stórmót. Það er alltaf sérstakt en þetta ferðalag með Íslandi hefur verið algjörlega frábært,“ sagði Lars sem tók við íslenska liðinu árið 2011.
„Það var stórt að fara með Svíum á stórmót og Nígeríu líka en þetta er sérstakara. Við erum meiri „underdog“ en við vorum þegar ég fór með Svíþjóð og Nígeríu.“
„Ég gleðst svo mikið fyrir hönd leikmannanna, starfsfólksins og sérstaklega stuðningsmannanna. Það er stór prósenta af Íslandi komin til Frakklands. Þetta hefur verið mjög sérstakt,“ sagði Lars Lagerbäck.
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Lars: Sérstakara að vera með Íslandi á stórmóti

Tengdar fréttir

EM í dag: Forsetakosningar í Annecy og borgað undir Tólfuna til Nice
Daglegur þáttur fréttateymis 365 frá Evrópumótinu í fótbolta er kominn í loftið.

Hvorki Arnór né Elmar nýttu kosningaréttinn
"Þegar Toggi dró sig út var ég ekki með neinn kandídat í huga,“ segir Theodór Elmar Bjarnason.

Svona var blaðamannafundur strákanna okkar í Annecy
Lars Lagerbäck svaraði spurningum blaðamanna ásamt Theodór Elmari Bjarnasyni og Arnóri Ingva Traustasyni.

Arnór Ingvi tryggði landa sínum fjórar milljónir króna
Hoppaði væntanlega hæð sína í lofti.

Ef Rooney spyr mig þá get ég alveg skipst á treyjum við hann
Theodór Elmar Bjarnason var spurður út í möguleg treyjuskipti við Wayne Rooney.

EM-dagbók: Lengsti og besti dagur lífs míns
Tómas Þórðarson fylgir strákunum okkar á Evrópumótinu í fótbolta og deilir upplifun sinni með lesendum Fréttablaðsins og Vísis.