Bíll valt niður Reynisfjall

Þyrla Landhelgisgæslunnar er á leið á Landspítalann með alvarlega slasaðan mann eftir bílveltu niður hlíðar Reynisfjalls vestan við Vík í Mýrdal á Suðurlandi um eittleytið í dag. 

Samkvæmt upplýsingum frá lögreglunni á Suðurlandi var bílnum ekið upp slóðann á fjallinu austan megin en fjölskylda var á ferðalagi, í heimsókn á Íslandi.

Aðeins fjölskyldufaðirinn var í bílnum þegar slysið varð en hann mun hafa verið að bakka bílnum þegar hann fór fram af í beygju á leiðinni upp fjallið og velti niður hlíðarnar. Bíllinn hafnaði á hvolfi í skurði.

Uppfært klukkan 14:26

Þyrla gæslunnar er komin með manninn undir læknishendur á Landspítalanum.