Guðjón Baldvinsson, framherji Stjörnunnar, skoraði í kvöld næst fljótasta markið í sögu efstu deildar á Íslandi þegar hann kom sínum mönnum í 1-0 gegn Þrótti eftir aðeins níu sekúndur.
Það ótrúlega við það er að Þróttur byrjaði með boltann en nýliðarnir töpuðu honum og Guðjón kom boltanum í netið eftir aðeins níu sekúndur sem fyrr segir.
Fljótasta markið í sögunni skoraði Pétur Georg Markan fyrir Val gegn ÍBV í Pepsi-deildinni 2009 (8 sekúndur) en Guðjón var ekki langt frá því að bæta metið í kvöld.
Stjarnan vann leikinn 6-0 og er á toppnum með fullt hús stiga eftir þrjár umferðir.
Þetta ótrúlega mark má sjá í spilaranum hér að ofan.
Real Madrid
Celta de Vigo
