William da Silva, Hrvoje Tokic og Aleix Egea skoruðu mörkin fyrir Ólsara en nýliðarnir eru á toppnum í deildinni eftir fjórar umferðir. Stjarnan getur þó hirt af þeim toppsætið annað kvöld.
Einar Hjörleifsson, markvörður Ólsara, stal senunni í kvöld en þessi magnaði 39 ára gamli sjómaður, sem hefur reynst Ólafsvíkingum vel í gegnum tíðina, átti stórleik í markinu.
Hann lagði hanskana á hilluna fyrir síðustu leiktíð en tók þá fram aftur til að styðja við bakið á Spánverjanum Cristian Martínez. Sá spænski meiddist gegn ÍBV í síðustu umferð og þurfti Einar þá að mæta til leiks og hann var svo í byrjunarliðinu í kvöld.
Einar átti nokkrar svakalegar vörslur í kvöld. Hann varði meistaralega frá Garðari Gunnlaugssyni í fyrri hálfleik og varði svo frá honum víti og frákast í seinni hálfleik. Einar er mikill vítabani.
Þessi mikli höfðingi átti sviðið á Twitter í kvöld á kassamerkinu #pepsi365 þar sem fótboltaáhugamenn ræddu málin yfir leiknum sem var í beinni útsendingu á Stöð 2 Sport HD.
Hér að ofan má sjá tvær af bestu vörslum Einars frá því í kvöld og hér að neðan má sjá nokkur af tístunum um Einar og frammistöðu hans.
Einar Hjörleifsson er svo mikill meistari. Frábært hjá þeim í Ólafsvík. Hafa lagt líf og sál í þetta. Vanda til verka. Pepsí Max. Eina.
— Guðjón Guðmundsson (@gaupinn) May 16, 2016
@Einar_Hjorleifs MoM... Varið víti, nokkrar flottar vörslur og 100% sendingar. #Fotbolti #pepsi365
— Thor Steinar Olafs (@xThorSteinar) May 16, 2016
Einar Hjörleifs. Maður leiksins. Þvílíkur keeper. #He'sAkeeper #pepsi365
— Sveinn (@Sveinn222) May 16, 2016
Á ekki einhver græna derhúfu fyrir Einar til að toppa lookið? #fótboltinet #pepsi365
— Friðný Fjóla (@fridnyFj) May 16, 2016
Það ættu öll lið að eiga einn Einar Hjöleifs á bekknum #pepsi365
— Reynir Þór Reynisson (@reynirr1) May 16, 2016
Skiptir engu þò Víkingur sé með 8 útlendinga inná. Einar Hjörleifs vegur misvægið upp,svomikill Íslendingur er hann #pepsi365
— Skagahænan (@Skagahaenan) May 16, 2016
Einar Hjörleifs er svo mikið lang mesti töffarinn í íslenskum fótbolta. Einn af "gamla skólanum" #pepsi365 #fotboltinet
— Sigurpáll Árnason (@sigurpalla) May 16, 2016
King Einar Hjörleifs! #fotboltinet #pepsi365
— Garðar Gunnar (@gardargunnar) May 16, 2016
Varði Einar Hjörleifs víti? Haa shocker #vitabani #pepsi365
— Andri F. Sveinsson (@AndriSveins) May 16, 2016