Klara Bjartmarz, framkvæmdastjóri KSÍ, verður eftirlitsmaður Knattspyrnusambands Evrópu, UEFA, á úrslitaleik Meistaradeildar Evrópu kvenna í næstu viku.
Wolfsburg og Lyon eigast við í leiknum sem fer fram á Mapei-leikvanginum í Reggio Emelia, heimavelli Reggiana og Sassuolo á Ítalíu.
„Þetta er mikil viðurkenning á okkar starfi og gerir okkur gildandi í knattspyrnuheiminum,“ segir Klara sem er aðeins ein af tveimur framkvæmdastjórum knattspyrnusambanda í Evrópu. Hin er í Eistlandi.
„Þetta er mikill heiður fyrir mig persónulega. Ég hef fengið jákvæðar viðtökur hjá UEFA við mínum störfum sem er ánægjulegt fyrir mig,“ segir hún.
„Ég hef ekki verið sú virkasta í að taka leiki en aðeins gert meira að því að undanförnu.“
Leikurinn fer fram 26. maí.
Klara eftirlitsmaður á úrslitaleik Meistaradeildarinnar
