Haukar fyrstir í undanúrslitin

Deildarmeistarar Hauka komust í kvöld í undanúrslit Olís-deildar kvenna í handbolta með því að vinna Fylki öðru sinni í einvígi liðanna í átta liða úrslitunum.

Haukar unnu fjögurra marka sigur í kvöld, 24-20, eftir að vera einu marki yfir í hálfleik, 12-11.

Ramune Pekarskyte og Maria Ines De Silva voru markahæstar Haukanna í kvöld með fimm mörk en Ragnheiður Ragnarsdóttir skoraði fjögur mörk.

Thea Imani Sturludóttir skoraði fimm mörk fyrir Fylki og Þuríður Guðjónsdóttir fjögur mörk.

Haukakonur eru fyrstar til að komast í undanúrslitin en leikir tvö í hinum þremur rimmunum fara fram um helgina.