Keyrði á heimsmeistarann | Sjáðu hvernig Barein-kappaksturinn byrjaði

Lewis Hamilton, heimsmeistari ökumanna, var á ráspól í Barein-kappakstrinum en lenti í óhappi eftir aðeins nokkrar sekúndur eftir ræsinguna.

Nico Rosberg, liðsfélagi Lewis Hamilton hjá Mercedes, náði forystunni strax í byrjun á meðan Valtteri Bottas keyrði á bíl Lewis Hamilton.

Lewis Hamilton gafst ekki upp og hélt áfram þrátt fyrir þetta óhapp í byrjun enda mikilvægt að ná í einhver stig þótt að honum takist ekki að vinna kappaksturinn. Hann endaði með því að ná þriðja sætinu en Nico Rosberg er með fullt hús eftir annan sigurinn í röð.

Hér fyrir neðan má sjá myndband með ræsingunni í Barein-kappakstrinum.

Árekstur í fyrstu beygjunni