Eiginkona Sigmundar Davíðs pantaði sér ferð út í geim Jakob Bjarnar skrifar 6. apríl 2016 10:15 Fjölmargir þekktir leikarar eru á lista yfir farþega með geimskutlu Bransons auk Önnu Sigurlaugar svo sem Ashton Kutcher. visir/Valli ofl Daginn eftir að tilraunageimskutla Richards Branson sprakk í loft upp árið 2014, hringdi Anna Sigurlaug Pálsdóttir, eiginkona Sigmundar Davíðs Gunnlaugssonar, í Richard Branson og pantaði far með honum út í geim. Þetta kemur fram í viðtali við Branson, sem birtist í Daily Mail 26. mars síðastliðinn:„The Prime Minister of Iceland’s wife rang me up the day after the accident and said, “I want to sign to go to space.’’ Anna Sigurlaug Pálsdóttir is one of Iceland’s wealthiest women.“ Eða, eiginkona forsætisráðherra Íslands hringdi í mig daginn eftir slysið og sagðist vilja skrá sig í ferð út í geim, að sögn Bransons, auk þess sem fram kemur að Anna Sigurlaug sé ein auðugasta kona Íslands. Ekki kemur fram hvort Sigmundur Davíð ætlar sér með út í geim, ef fram fer sem horfir gæti hann haft úr rýmri tíma að spila eftir að annasamri forsætisráðherratíð hans lýkur. Daily Mail, er einn víðlesnasti fjölmiðill veraldar en nú beinast augu augu alheims að Íslandi og forsætisráðherrahjónunum. Hér má til dæmis sjá umfjöllun Daily Mail um vendingar í tengslum við Sigmund Davíð sem finna má á forsíðu vefmiðilsins.Létt geggjað fólk sem vill út í geimNokkuð hefur verið fjallað um geimskutlu Bransons, en hann hefur lengi haft það í bígerð að ferðast með völdum hópi auðkýfinga út í geim. Meðal þeirra sem ætlar sér með er Gísli Gíslason lögfræðingur, sem hefur verið í undirbúningi og setið námskeið vegna fyrirhugaðrar ferðar. Gísli segir að bakslag hafi komið í allar áætlanir þegar prufuflaug sprakk í október árið 2014. Hann segir að flogið sé með geimskutluna í sextíu þúsund feta hæð þar sem henni er sleppt. Flaugin fer hundrað kílómetra á 70 sekúndum sem er eins og að fara fram og til baka til Keflavíkur á innan við mínútu. Nú er nýja geimskutlan tilbúin, 18. febrúar og Gísla hefur boðist að fara í Mohave eyðimörkina í Nýju Mexíkó til að skoða hana. „Þar er Space Port One. Þetta er eins og úr framtíðarmynd, geðveikislega flott. Þetta er eins og í ævintýri. Og nú á að fara að prufa fljótlega. Ef vel til tekst ætlar Branson að fara í fyrstu ferðina, sem gæti orðið seinna á þessu ári.“Vissi ekki að Anna Sigurlaug væri í hópnum Gísli segir að í flauginni hverju sinni séu sex farþegar og tveir flugmenn. Miðaðverð er komið uppí 250 þúsund dollara. Miðinn kostaði 23 milljónir þegar Gísli skráði sig til leiks, en hann hefur farið í æfingabúðir vegna ferðarinnar.Sigmundur vekur forvitni heimsins, til dæmis þeirra á ritstjórn Daily Mail. Ekki er vitað hvort hann ætlar með út í geim, en athygli heimspressunnar er nú á honum.skjámynd„Margir spurðu mig, í kjölfar sprengingarinnar, hvort ég ætlaði. Þá lét ég Fjölni tattúmeistara tattúvera á mig Virgin-merkið. Richard var svo ánægður með þetta að hann birti mynd af því á bloggi sínu sem milljónir lesa,“ segir Gísli sem skráður er í símaskrá sem geimfari og stefnir að því að vera fyrstur með íslenska fánann út í geim. Gísli vissi ekki að Anna Sigurlaug væri meðal fyrirhugaðra farþega en segir virkilega gaman ef hún ætlar að slást í hópinn. „Ég er númer 258, það fara sex í hverja ferð þannig að það hafa þá verið farnar margar ferðir þegar ég kemst að,“ segir Gísli og dregur ekki fjöður yfir það að það séu léttgeggjaðir ævintýramenn sem stefni útí geim.Þekktir leikarar auk Önnu Sigurlaugu á farþegalistaRichard Branson er einn skrautlegasti milljónamæringur heims, hann er forstjóri Virgin Galactic geimflugfélagsins sem hefur nú um langt skeið undirbúið geimferðir. Upphaflega stóð til að fara þegar árið 2007, en eitt og annað hefur orðið til að fresta geimferðum Galactic. Einkum setti áðurnefnd sprenging í æfingaflugi árið 2014 strik í reikninginn. Virgin ætlar að senda geimflaugar sínar út frá bækistöðvum sem fyrirtækið hefur komið upp í Nýju Mexíkó en einnig hefur verið undirrituð viljayfirlýsing við yfirvöld í Abú Dhabí þar sem til stendur að setja upp sérstakan geimflugvöll. Þekktustu nöfnin sem eru á farþegalista eru leikararnir Ashton Kutcher en orðrómur hefur verið uppi þess efnis að Angelina Jolie, Tom Hanks, Brad Pitt og Kate Perry hafi einnig skráð sig til geimferða á vegum Virgin. Panama-skjölin Mest lesið Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent „Síðasta sem hann vildi var að það yrði til nýr Stefán Blackburn” Innlent Líkur á hellidembu, þrumum og eldingum suðvestantil Veður Falin myndavél á þingklósettinu og ósæmilegar myndir af börnum Erlent „Hér er ekki ódýr orka í neinum alþjóðlegum samanburði“ Innlent Afhjúpaði eigin njósnara á X Erlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent Fleiri fréttir Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram eftir degi Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Sjá meira
Daginn eftir að tilraunageimskutla Richards Branson sprakk í loft upp árið 2014, hringdi Anna Sigurlaug Pálsdóttir, eiginkona Sigmundar Davíðs Gunnlaugssonar, í Richard Branson og pantaði far með honum út í geim. Þetta kemur fram í viðtali við Branson, sem birtist í Daily Mail 26. mars síðastliðinn:„The Prime Minister of Iceland’s wife rang me up the day after the accident and said, “I want to sign to go to space.’’ Anna Sigurlaug Pálsdóttir is one of Iceland’s wealthiest women.“ Eða, eiginkona forsætisráðherra Íslands hringdi í mig daginn eftir slysið og sagðist vilja skrá sig í ferð út í geim, að sögn Bransons, auk þess sem fram kemur að Anna Sigurlaug sé ein auðugasta kona Íslands. Ekki kemur fram hvort Sigmundur Davíð ætlar sér með út í geim, ef fram fer sem horfir gæti hann haft úr rýmri tíma að spila eftir að annasamri forsætisráðherratíð hans lýkur. Daily Mail, er einn víðlesnasti fjölmiðill veraldar en nú beinast augu augu alheims að Íslandi og forsætisráðherrahjónunum. Hér má til dæmis sjá umfjöllun Daily Mail um vendingar í tengslum við Sigmund Davíð sem finna má á forsíðu vefmiðilsins.Létt geggjað fólk sem vill út í geimNokkuð hefur verið fjallað um geimskutlu Bransons, en hann hefur lengi haft það í bígerð að ferðast með völdum hópi auðkýfinga út í geim. Meðal þeirra sem ætlar sér með er Gísli Gíslason lögfræðingur, sem hefur verið í undirbúningi og setið námskeið vegna fyrirhugaðrar ferðar. Gísli segir að bakslag hafi komið í allar áætlanir þegar prufuflaug sprakk í október árið 2014. Hann segir að flogið sé með geimskutluna í sextíu þúsund feta hæð þar sem henni er sleppt. Flaugin fer hundrað kílómetra á 70 sekúndum sem er eins og að fara fram og til baka til Keflavíkur á innan við mínútu. Nú er nýja geimskutlan tilbúin, 18. febrúar og Gísla hefur boðist að fara í Mohave eyðimörkina í Nýju Mexíkó til að skoða hana. „Þar er Space Port One. Þetta er eins og úr framtíðarmynd, geðveikislega flott. Þetta er eins og í ævintýri. Og nú á að fara að prufa fljótlega. Ef vel til tekst ætlar Branson að fara í fyrstu ferðina, sem gæti orðið seinna á þessu ári.“Vissi ekki að Anna Sigurlaug væri í hópnum Gísli segir að í flauginni hverju sinni séu sex farþegar og tveir flugmenn. Miðaðverð er komið uppí 250 þúsund dollara. Miðinn kostaði 23 milljónir þegar Gísli skráði sig til leiks, en hann hefur farið í æfingabúðir vegna ferðarinnar.Sigmundur vekur forvitni heimsins, til dæmis þeirra á ritstjórn Daily Mail. Ekki er vitað hvort hann ætlar með út í geim, en athygli heimspressunnar er nú á honum.skjámynd„Margir spurðu mig, í kjölfar sprengingarinnar, hvort ég ætlaði. Þá lét ég Fjölni tattúmeistara tattúvera á mig Virgin-merkið. Richard var svo ánægður með þetta að hann birti mynd af því á bloggi sínu sem milljónir lesa,“ segir Gísli sem skráður er í símaskrá sem geimfari og stefnir að því að vera fyrstur með íslenska fánann út í geim. Gísli vissi ekki að Anna Sigurlaug væri meðal fyrirhugaðra farþega en segir virkilega gaman ef hún ætlar að slást í hópinn. „Ég er númer 258, það fara sex í hverja ferð þannig að það hafa þá verið farnar margar ferðir þegar ég kemst að,“ segir Gísli og dregur ekki fjöður yfir það að það séu léttgeggjaðir ævintýramenn sem stefni útí geim.Þekktir leikarar auk Önnu Sigurlaugu á farþegalistaRichard Branson er einn skrautlegasti milljónamæringur heims, hann er forstjóri Virgin Galactic geimflugfélagsins sem hefur nú um langt skeið undirbúið geimferðir. Upphaflega stóð til að fara þegar árið 2007, en eitt og annað hefur orðið til að fresta geimferðum Galactic. Einkum setti áðurnefnd sprenging í æfingaflugi árið 2014 strik í reikninginn. Virgin ætlar að senda geimflaugar sínar út frá bækistöðvum sem fyrirtækið hefur komið upp í Nýju Mexíkó en einnig hefur verið undirrituð viljayfirlýsing við yfirvöld í Abú Dhabí þar sem til stendur að setja upp sérstakan geimflugvöll. Þekktustu nöfnin sem eru á farþegalista eru leikararnir Ashton Kutcher en orðrómur hefur verið uppi þess efnis að Angelina Jolie, Tom Hanks, Brad Pitt og Kate Perry hafi einnig skráð sig til geimferða á vegum Virgin.
Panama-skjölin Mest lesið Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent „Síðasta sem hann vildi var að það yrði til nýr Stefán Blackburn” Innlent Líkur á hellidembu, þrumum og eldingum suðvestantil Veður Falin myndavél á þingklósettinu og ósæmilegar myndir af börnum Erlent „Hér er ekki ódýr orka í neinum alþjóðlegum samanburði“ Innlent Afhjúpaði eigin njósnara á X Erlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent Fleiri fréttir Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram eftir degi Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Sjá meira