Allir krakkar þurfa að læra golf í grunnskóla í Kína

Golf er orðið stór hluti af námi grunnskólabarna í Kína eða  í það minnsta í einum grunnskólanum í Shanghæ.

Golf hefur hingað til verið íþrótt fyrir þá efnameiri í Kína en ákvörðun þessa umrædda grunnskóla er liður í að breyta þeirri venju.

Grunnskólinn sem um ræðir er Experimental School of Foreign Languages í Shanghæ og er hann rekinn af kínverska ríkinu.

„Golf er ekki bara fyrir þá ríku. Þetta getur orðið vinsæl íþrótt hjá öllum," sagði skólastjórinn Xia Haiping. Skólastjórinn vill meina að það sé ekki nóg að læra enskuna og golfið sé hluti af vegferð barnanna að öðlast meiri þekkingu á heiminum utan Kína.

Stjórnvöld í Kína hafa grætt mikið á því að selja land undir golfvelli í Kína og þá sér almenningur í Kína golfvellina sem stað fyrir elítuna og stjórnmálamenn til að hittast og stunda vafasöm viðskipti sín.

Það eru margir háklassa golfvellir til í Kína og Kínverjar eiga marga unga og upprennandi kylfinga sem eru líklegir til afrek í næstu framtíð. Stjórnvöld í Kína hafa þó ekki viljað sleppa taki sína á sportinu og hafa lokað fjölda golfvella sem ekki hafa farið eftir þeirra viðmiðum.

Grunnskólinn í Shanghæ hefur ákveðið að golf verði skyldufag fyrir öll börn sem eru sjö og átta ára. Skólinn hefur gefið þetta út á heimasíðu sinni.

Þetta er fyrsti skólinn rekinn af kínverska ríkinu sem tekur golfið upp sem skyldugrein en það höfðu nokkrir einkareknir skólar gert áður.

390 þúsund Kínverjar fóru í golf átta sinnum eða oftar á síðasta ári en það var fækkun frá árinu 2014 þegar sú tala var 410 þúsund.